Irani dhe fuqitë botërore diskutojnë këtë javë për paktin bërthamor - Bota Sot
Irani dhe fuqitë botërore diskutojnë këtë javë për paktin bërthamor

Azia

E premte, 21 shtator 2018

Irani dhe fuqitë botërore diskutojnë këtë javë për paktin bërthamor

Më: 3 korrik 2018 Në ora: 17:01
Ministri i Jashtëm i Iranit, Mohammad Javad Zarif.

Ministri i Jashtëm i Iranit, Mohammad Javad Zarif dhe ministrat e pesë fuqive tjera botërore që janë pjesë e paktit bërthamor të vitit 2015, do të takohen në Vjenë më 6 korrik për të diskutuar ruajtjen e marrëveshjes bërthamore, pas largimit të Shteteve të Bashkuara nga kjo e fundit.

Diplomatët e lartë nga Britania, Kina, Franca, Gjermania dhe Rusia do t’i bashkohen ministrit të Jashtëm iranian, Zarif në kryqytetin e Austrisë për të diskutuar “paketën evropiane dhe masat për të ruajtur marrëveshjen”, ka raportuar agjencia e lajmeve IRNA.

Njoftimi ka ardhur pasi presidenti iranian, Hasan Rohani, i shoqëruar nga Zarif është duke vizituar Zvicrën para se të niset në Austri.

Para se të arrinte në Evropë, Rohani ka thënë më 2 korrik se pret nga kombet evropiane që këtë javë të prezantojnë masat që do të ruajnë marrëveshjen.

Presidenti amerikan, Donald Trump ka larguar Shtetet e Bashkuara nga pakti bërthamor në muajin maj duke deklaruar kthimin e sanksioneve kundër Teheranit.

Zyrtarët amerikanë kanë paralajmëruar se edhe kombet tjera mund të përballen me sanksione nëse nuk ndalojnë të bërit biznes në Iran.

Shtetet tjera që janë pjesë e paktit, Britania, Franca, Rusia, Kina dhe Gjermania, kanë thënë se janë të përkushtuara në zbatimin e marrëveshjes për aq kohë sa ka vullnet pala iraniane.

Sot mund të lexoni Shfletoni kopertinat
Sondazh
test