Sulmet me gaz sarin në Japoni, ekzekutohen pas 23 vitesh fajtorët - Bota Sot
Sulmet me gaz sarin në Japoni, ekzekutohen pas 23 vitesh fajtorët

Azia

E shtunë, 22 shtator 2018

Sulmet me gaz sarin në Japoni, ekzekutohen pas 23 vitesh fajtorët

Më: 6 korrik 2018 Në ora: 08:17
Shoko Asahara dhe pasuesit e tij të kultit fetar u akuzuan edhe për vrasje të tjera dhe një sulm më të hershëm me gaz sarin, që u krye në vitin 1994 dhe që u kushtoi jetën 8 personave.

Autoritetet japoneze ekzekutuan 7 anëtarë të kultit “Aum Shinrikyo”, përfshirë kreun e tyre Shoko Asahara, për sulmin vdekjeprurës me gaz nervor në metronë e Tokios në vitin 1995.

Sulmi me gaz sarin u kushtoi jetën 13 personave dhe plagosi mijëra të tjerë, incidenti më i rëndë terrorist në historinë e Japonisë.

Ministria japoneze e Drejtësisë konfirmoi ekzekutimin e 7 personave, që u krye në një burg në Tokio. Mësohet se, 6 anëtarë të tjerë të grupit janë dënuar gjithashtu me vdekje dhe presin ekzekutimin.

Shoko Asahara dhe pasuesit e tij të kultit fetar u akuzuan edhe për vrasje të tjera dhe një sulm më të hershëm me gaz sarin, që u krye në vitin 1994 dhe që u kushtoi jetën 8 personave.

Më 20 mars 1995, anëtarë e kultit kryen sulmin në metronë e Tokios, ku lanë çanta me gaz sarin në trenat e linjës. Kulti “Aum Shinrikyo”, emri i të cilit do të thotë “E vërteta supreme”, u krijua në vitet 1980, si një kombinim i besimeve hindu dhe budiste.

Shumë shpejt, Shoko Asaraha dhe kulti i tij u bënë me dhjetëra mijëra ndjekës në botë, por po aq shpejt organizata e tyre u shndërruar në një kult të ditës së gjykimit, që besonte se bota do të shkatërrohej nga lufta dhe vetëm ata do të mbijetonin.

Ekzekutimi i anëtarëve të kultit u shty kaq gjatë, pasi Japonia pret derisa të dënuarit të ezaurojnë çdo mjet ligjor përpara se t’i ekzekutojë, zakonisht me varje.

Image
Sot mund të lexoni Shfletoni kopertinat
Sondazh
test