Irani fillon prodhimin masiv të aeroplanëve luftarakë

Azia

Irani fillon prodhimin masiv të aeroplanëve luftarakë

Më: 3 nëntor 2018 Në ora: 14:48
Iran

Televizioni kombëtar në Iran ka raportuar se Irani ka filluar me prodhimin masiv të aeroplanëve luftarakë të dizajnuar nga ta.

Irani kishte njoftuar në gusht për ndërtimin e aeroplanit luftarak, përderisa posedon aeroplanë luftarakë të projektuara nga SHBA dhe Rusia.

Ministri i Mbrojtjes, Amir Hatami tha se prodhimi nënvizon kapacitetet e ekspertëve të Iranit përkundër sanksioneve të armiqve.

"Së shpejti, numri i kërkuar i këtyre do të prodhohet dhe do të hyjë në përdorim të forcave ajrore”, tha Hatami në ceremonië e lansimit të prodhimit të aeroplanëve.

Inaugurimi erdhi një ditë pasi Shtetet e Bashkuara kanë njoftuar për rivendosjen e të gjitha sanksioneve ndaj Iranit duke filluar nga data 5 nëntor, që përfshin transportin, financat dhe sektorin e energjisë.

commentFirst article
Sot mund të lexoni Shfletoni kopertinat