Xhiroja e nëntë do të sjellë përballje interesante në Ligën e Parë të Meshkujve.
Ndeshja kryesore e kësaj xhiro zhvillohet ndërmjet Vushtrrisë dhe Istogut, që do të transmetohet në platformat Kujtesa/Art Motion. Të dy skuadrat kanë nga pesë fitore e dy humbje dhe pritet një sfidë interesante dhe rivalizuese.
Ndeshja e parë e xhiros zhvillohet ndërmjet Borea-s dhe Happy Dukagjinit, ku pejanët kanë tri fitore e pesë humbje, ndërsa klinasit dy fitore e pesë humbje.
Gjakova e Re do të ndeshet me AS Prishtinën. Skuadra nga Gjakova ka dy fitore e pesë humbje, kurse prishtinasit kanë shtatë humbje në shtatë ndeshje të zhvilluara.
Të enjten do të zhvillohet përballja mes skuadrave prishtinase, Bora dhe Prishtina e Re. Bora ka gjashtë fitore e një humbje, kurse Prishtina e Re ka tri fitore e pesë humbje.
Ndërkohë, Drita që po ashtu ka gjashtë fitore e një humbje do të sfidohet nga Marigona Hill Prishtina, që numëron tri fitore e katër humbje.
Liga e Parë e Meshkujve – Java 9
E martë
18:00 Borea – Happy Dukagjini
E mërkurë
20:00 Gjakova e Re – AS Prishtina
E enjte
19:30 Bora – Prishtina e Re
E premte
18:30 Marigona Hill Prishtina - Drita
20:30 Vushtrria – Istogu
