Sot në Therandë nga ora 17:00 zhvillohet ndeshja e dytë finale mes Golden Eagle Yllit dhe Trepçës.
Në takimin e parë fituan mitrovicasit 77:68, që po udhëheqin në serinë finale 1:0, derisa për tu shpallur kampionë duhen tri fitore.
Therandasit me përkrahjen e tifozëve synojnë fitoren për të barazuar serinë finale në 1:1, derisa ‘Xehetarët’ për fitore e 0:2, që do t’i afronte më shumë drejt titullit të kampionit.
Skuadra nga Theranda synon titullin e kampionit, që do të ishte i treti në histori, kurse mitrovicasit të fitojnë titullin e parë pas vitit 2012. Trepça ka fituar Kupën, Superkupën dhe Ligën Unike, duke kërkuar trofeun e katërt për këtë edicion.
Ylli në çerekfinale të “Play-off”-it eliminoi Bashkimin 2:0 dhe Pejën në gjysmëfinale 3:2, derisa Trepça eliminoi Sigal Prishtinën 3:0.
Mitrovicasit ishin liderë në garat e rregullta me 25 fitore e tri humbje, derisa therandasit në vendin e tretë me 19 fitore e nëntë humbje, aq sa kishte edhe Peja e dyta.
Deri më tani në të gjitha garat janë përballur gjashtë herë, ku katër fitore i kanë takuar mitrovicasve.
Ylli - Trepça, finalja e dytë, emocione të mëdha të tifozët.
