Teuta është finalistja e dytë për titullin kampion në basketboll për meshkuj, ndërsa në ndeshjen e pestë, e cila është luajtur të dielën në pallatin e sportit “Ramazan Njala”, ka mundur Vllazninë, 79:70.
Durrsakët kanë fituar periodën e parë 24-20.
Shkodranët përpiqen të rivalizojnë, ndërsa kanë triumfuar në periodën e dytë 12-14 dhe në pushim Teuta ka kryesuar vetëm me dy pikë avantazh, 36-34.
Edhe pas pushimit, Teuta ruan të njëjtin ritëm. 21-19 në periodën e tretë dhe në total 57-53. Në një moment Vllaznia ka mundur të përmbysë 61-63. Por vetëm kaq. 22-17 perioda e katërt dhe në përfundim 79-70 për Teutën.
Që nga e mërkura nis cikli i finaleve me Besëlidhjen, atje ku kampionia shpallet me katër ndeshje të fituara.
