Skuadrat e elitës së basketbollit të Kosovës vazhdojnë që të përforcohen me lojtarë të huaj, me synim që të jenë më të forta për edicionin e ri. Edhe klubi nga Theranda, Golden Eagle Ylli është përforcuar me një boshnjak, duke iu referuar faqes së Federatës së Basketbollit të Kosovës. “Klubi i basketbollit Golden Eagle Ylli nga Theranda në zyra të Federatës së Basketbollit të Kosovës (FBK) ka paraqitur për regjistrim basketbollistin Eldin Camzhiç nga Bosnja e Hercegovina, i cili edicionin e kaluar ka luajtur për KB Student nga Bosnja. Lojtari ka të drejtë të paraqitet pas përmbushjes së kritereve konform Rregullores për regjistrim dhe kalim në FBK”, thuhet nga FBK.
