Të dielën në palestrën “13 Qershori” në Therandlë do të zhvillohen dy ndeshjet finale të Kupës së Kosovës në të dyja konkurrencat. Finalet nuk janë në nivelin e dikurshëm, kur dihet se cilësia e basketbollit ka rënë dhe nuk është ajo cilësi sikurse në vitet e mëhershme.
Duke filluar nga ora 16:00 do të zhvillohet finalja e femrave, ku do të ballafaqohen Pro Bet Prishtina – Penza, kurse me fillim nga ora 19:00 në finalen e meshkujve do të përballen Sigal Prishtina – Bashkimi.
Fitues të Kupës së Kosovës për edicionin e kaluar janë Sigal Prishtina te meshkujt dhe Pro Bet Prishtina te femrat.
Sigal Prishtina 12 herë e kanë fituar këtë trofe prej vitit 1991 e deri më 2017, kurse Bashkimi vetëm 1 herë.
Pro Bet Prishtina (ish-Universiteti) 9 herë është stolisur me Kupën e Kosovës, kurse Penza 6 herë e ka fituar këtë trofe.
