Ndeshja e dytë finale e play-offit në IP Superligën e Kosovës ndërmjet Bashkimit dhe Sigal Prishtinës do të zhvillohet të mërkurën me fillim nga ora 20:30 në palestrën sportive në Prizren.
Bashkimi aktualisht udhëheq me seri 1:0, pasi në duelin e së shtunës ka triumfuar në kryeqytet me rezultat 84:81.
Kampion do të shpallet skuadra që i shënon tri fitore, derisa kampion në fuqi është Sigal Prishtina, skuadër kjo që në këtë edicion e ka fituar Kupën e Kosovës, duke e mposhtur në finale pikërisht Bashkimin.
