Sigal Prishtina do ta ketë mundësinë e fundit për t’u kthyer në luftë për titull të kampionit në ndeshjen e tretë e cila zhvillohet në Prishtinë.
Nga ora 18:30 është Prishtina që do ta presë Bashkimin në atë që është ‘o jetë o vdekje’ për klubin më të trofeshëm.
Aktualisht Bashkimi ka epërsinë prej 2-0 në seri dhe do të provojë që të mbyllë qysh sonte dilemën e kampionit.
Megjithatë, kjo nuk do të jetë e lehtë, pasi Prishtina nuk e ka ndërmend të dorëzohet dhe do të provojë që të ngushtojë serinë në 2-1 dhe që të s’forcojë me mundësi edhe ndeshjen e pestë nëse arrin t’i fitojë dy sfidat në vijim.
Prishtina pritet të ketë përkrahjen e publikut sonte mbrëma e cila i ka munguar gjatë gjithë sezonit për shkak të konkurrencës së dobët në kampionatin e Kosovës.
Megjithatë, Prishtina mund ta humbë titullin dhe për këtë nuk do të dorëzohet lehtë në takimin shumë interesant që zhvillohet nga ora 18:30 në Pallatin e Rinisë dhe të Sporteve.