Rrëfehet LeBron: Kam luajtur më dorën e thyer, mund të largohem nga Cleveland - Bota Sot
Rrëfehet LeBron: Kam luajtur më dorën e thyer, mund të largohem nga Cleveland

Basketboll

E mërkurë, 26 shtator 2018

Rrëfehet LeBron: Kam luajtur më dorën e thyer, mund të largohem nga Cleveland

Më: 9 qershor 2018 Në ora: 15:08
LeBron

Ka përfunduar në mënyrën më të keqe të mundshme sfida për titull në NBA për skuadrën e Cleveland Cavaliers, që u mund 4-0 me ndeshje nga Golden State Warriors. Sfida e katërt finale luajtur në Cleveland u fitua me një diferencë prej 23 pikësh nga miqtë, që korrën suksesin e dytë radhazi, ndërsa Cavaliers mbetën sërish duarbosh. Kjo mund të ketë qenë edhe sfida e fundit me Cleveland për LeBron James, që mund të largohet nga 1 korriku, kur bëhet “free agent” (lojtar i lirë).

Në një intervistë pas ndeshjes së sotme, “Mbreti James” tha: “Që pas finales së parë kam luajtur me dorën e thyer. Këtë nuk e them për t’u justifikuar, është një dëmtim që e shkaktova vetë. Emocionet e finales së parë dominuan mbi mua dhe praktikisht kam luajtur 3 takimet e fundit me dorën e thyer”, thotë LeBron. Mësohet se ai e ka dëmtuar dorën pas ndeshjes së parë finale play off, të humbur në shtesë, duke goditur me gusht një tabelë në dhomat e zhveshjes.

Ndërsa e ardhmja mbetet ende një dilemë: “Arritëm deri në finale edhe pse nuk e prisja duke parë se në kampionat luajtëm me luhatje, ndaj do ta konsiderojë këtë fazë pozitive. Nuk e di se çfarë më pret në të ardhmen, do të diskutoj më familjen e fëmijët e mi. U ktheva te Cleveland në vitin 2014, pasi kisha ende diçka për të treguar dhe arrita të realizoj një ëndërr, tani të shohim se si do të rrjedhin ngjarjet”, tha LeBron James, që synon titullin kampion me një ekip tjetër.

Komentet
comments powered by Disqus
Sot mund të lexoni Shfletoni kopertinat
Sondazh
test