(E plotësuar) - Reperi i njohur kosovar Ledri Vula është zgjedhur nënkryetar i ri i klubit të basketbollit “Z Mobile Prishtina”.
Kështu bëri të ditur kryetari i Klubit të Basketbollit 'Prishtina', Blerand Stavileci, me ç'rast tha se Vula do të jetë një prej përforcimeve më të qëlluara të klubit të basketbollit.
Stavileci: Ledri një prej përforcimeve më të qëlluara të klubit Z mobile Prishtina
“Ideja për me e pas Ledrin pjesë të klubit, për me qenë konkretisht nënkryetar i klubit të basketbollit 'Z mobile Prishtina', ka qenë që Ledri me krejt ato çka din, por edhe pasionin dhe dashninë që e ka jo vetëm për muzikën, po edhe për sportin, bashkërisht me bë që klubin me e avancu sa më shumë, sidomos projektet që lidhen me rininë... Në këtë drejtim Ledri ka me qenë aq sa i kemi ato përforcimet në parket, besoj se në pjesën tjetër Ledri ka me qenë një prej përforcimeve më të qëlluara të klubit të basketbollit”, tha Stavileci.
Ai tha se klubi i basketbollit “Z Mobile Prishtina” investon vazhdimisht në projekte të reja, për të pasur afër njerëz që e duan klubin.
Ndërsa nënkryetari i sapozgjedhur i klubit "Prishtina", Ledri Vula, u shpreh i lumtur me emërimin e tij në këtë post, duke thënë se kjo ka qenë një nga ëndrrat e tij të fëmijërisë.
Vula: Do të fokusohem maksimalisht për të ardhmen e basketbollit
“Jam shumë i nderuar për ftesën që ma keni bërë. Unë me krejt atë që di kam me qenë 110 përqind i fokusum për një të ardhme të mirë të këtij sporti”, u shpreh ai.
Këngëtari, nënkryetar i klubit të basketbollit
Ledri Vula është zgjedhur nënkryetar i klubit të basketit 'Z Mobile Prishtina'
Kështu bëri të ditur kryetari i Klubit te Basketbollit 'Prishtina', Blerand Stavileci, me ç'rast tha se Vula do të jetë një prej përforcimeve më të qëlluara të klubit të basketbollit.
Ndërsa nënkryetari i sapo zgjedhur i klubit "Prishtina", Ledri Vula, u shpreh i lumtur me emërimin e tij në këtë post.
"Jam mëse i lumtur me qenë pjesë i këtij ekipi të cilin e kam pasur ëndërr që prej fëmijërisë. Unë me krejt atë që di kam me qenë 110 përqind i fokusum për një të ardhme të mirë të këtij sporti", tha Vula.
