Pas dy fitoreve radhazi në Grupin E të FIBA Europe Cup, basketbollistët e Z Mobile Prishtinës tani do të ballafaqohen me ekipin e Bakken Bears nga Danimarka.
Ndeshja do të zhvillohet në qytetin Risskov të Danimarkës të martën me fillim nga ora 18:30.
Edhe skuadra daneze ashtu si ajo prishtinase i kanë nga dy fitore në kuadër të Grupit E të FIBA Europe Cup, ndërsa danezët e kryesojnë këtë grup.
Z Mobile Prishtina e ka nisur edicionin në FIBA Europe Cup me këmbë të mbarë pasi ka triumfuar në shtëpi të vet në përballje me ekipin ukrainas, Cherkaski Mavpy me rezultat 92:82, dhe më pas si mysafir ka shënuar fitore në ballafaqim me rumunët e Steaua Bucuresti me shifrat 87:81.
Ashtu si Z Mobile Prishtina, edhe Bakken Bears janë kampion të shumëfishtë të shtetit të tyre.