Skuadra më e mirë në vendin tonë, Z Mobile Prishtina, është e përgatitur në çdo pikëpamje dhe mëton fitore ndaj Cherkaski Mavpy të Ukrainës, në ndeshjen që luhet nesër (18.00) në Vilnius të Lituanisë. Ndeshja është e vlefshme e xhiros së katërt e grupit E të FIBA Europe Cup në basketboll. Basketbollisti Dardan Berisha me shokë kërkojnë fitore, e cila do të jetë shumë e rëndësishme për të siguruar kualifikimin për më tutje në garat evropiane. “Djemtë tanë mund ta shkruajnë historinë”, thuhet nga Z Mobile Prishtina. Në kryeqytet prishtinasit kishin fituar me 92:82 ndaj ukrainasve. Në grupin E Bakken Bears kryeson me 6 pikë, pasojnë Prishtina 5, Cherkaski Mavpy dhe Steaua ka 3 pikë.