Ylli i Los Angeles Lakers vazhdon të shkruajë historinë në NBA.
LeBron James nuk ka të ndalur as te Los Angeles Lakers. 33-vjeçari realizoi 44 pikë, 10 asistime dhe 9 kërcime në fitoren 126-117 të kalifornianëve në “Staples Center” ndaj Portland Trail Blazers.
Pikërisht me këto pikë që i shtohen karrierës së tij LeBron ka parakaluar një legjendë të NBA, të madhin Wilt Chamberlain, duke arritur vendin e pestë në mesin e koshashënuesve më të mirë të të gjitha kohëve me gjithsejtë 31.425 pikë.
Pëson humbjen e dytë radhazi skuadra kyesuese e Konferencës së Lindjes, Toronto.
Raptors u dorëzuan në fund 104-106 në “Scotiabank Arena” ndaj Detroit Pistons. Shkëlqeu Blake Griffin me 30 pikë e 12 kërcime ndërsa në radhës e skuadrës kanadeze nuk rezultuan të mjaftueshme 22 pikët e Kawhi Leonard.
Memphis Grizzlies arrijnë t’i shkaktojnë humbjen e katërt sezonale Milwaukee Bucks me rezultatin 116-113. Giannis Antetokounmpo realizoi 31 pikë, por me gjithë mbështetjen e Middleton, që shtoi 25 të tjera, nuk arriti t’i ndalte Grizzlies.
Oklahoma City Thunder morën fitoren e radhës në ndeshjen e radhës pa yllin e skuadrës Russell Westbrook, duke shkelur 128-103 New York Knicks.
Shkëlqen Paul George me 35 pikë në total, ndërsa Enes Kanter 19 pikë dhe Hardaway Jr. 20 pikë nuk mund të bënin më shumë për Knicks.