Joshua dhe Parker janë vënë për herë të parë përballë njëri-tjetrit, para meçit që do të zhvillohet në Principality Stadium të Cardiffit më 31 mars.
Boksierët e peshave të rënda, Anthony Joshua dhe Joseph Parker, u takuan për herë të parë në hotelin Dorchester, para meçit që do të zhvillohet në mars.
Atmosfera ishte nxehur paraprakisht, ende pa u takuar boksierët në fjalë pasi Parker dhe ekipi i tij kishin thënë se Joshua merrte steroide, duke e quajtur madje boksierin britanik “mbret të steroideve”.
Në fund Joshua dhe Parker dolën ballë përballë para kamerave dhe gazetarëve, dhe sytë e tyre e shprehnin më së miri atë që ndjenin për njëri-tjetrin që duket se nuk u pritet 31 marsi.
Raportohet se krahas titujve IBF, WBA dhe IBO të AJ, në garë është vënë edhe titulli WBO i Parkerit.
