Paradoks! Federata e Boksit e Kosovës ka një zyrë shumë të vogël, sa shumë herë zyrtarët e kësaj federate thonë se hapësira është më e vogël se një WC e kohës moderne! Edhe Mehmet Bogujevci, sekretar i përgjithshëm i Federatës së Boksit të Kosovës, disa herë ankohet se janë shumë keq me zyre.
“Ka federata që e ka gjysmë kati, kurse ne jemi në një zyre 3 me dy metra. Katastrofë. Nuk di si punojmë aty dhe si i presim mysafir”, ankohet Bogujevci. Sipas tij, më shumë ka hapësirë në WC se në zyrën e tij.
