E njohur ndryshe si “Shakira e Greqisë”, Eleni Foureira ka bërë bujë me deklaratën e saj se ka origjinë shqiptare duke u komentuar shumë si në mediat shqiptare, edhe ato greke.
Në një intervistë së fundmi Eleni ka zbuluar emrin e saj të vërtetë shqiptar teksa ka bërë të ditur se “Eleni” është emri i saj i pagëzimit.
Këngëtarja me origjinë shqiptare quhet Entela dhe Foureira është rrënja e mbiemrit të saj i cili është Fourier.
“Kur unë dhe njerëzit e mi vendosëm që të mos tregoja emrin tim dhe se isha nga Shqipëria, u bë sepse doja që njerëzit të njihnin dhe të donin Eleni Foureira për atë që ishte. Po, ishte diçka e gabuar e pranoj por nëse do të kthehesha pas nuk e di nëse do i kisha bërë gjërat ndryshe”, është shprehur këngëtarja.
Foureira do të përfaqësojë këtë vit Qipron në Eurovizion dhe ka marrë shumë kritika lidhur me këtë.
“Është e turpshme të dëgjosh nga një i ri të thotë ‘A je nga Shqipëria, atëherë me Shqipërinë të shkosh në Eurovizion’, ka thënë këngëtarja./xing.al/
