Princi Harry ka thënë se nuk mund të presë që të martohet me nusen e tij Meghan Markle, derisa takoi turmën e njerëzve jashtë Windsor Castle këtë pasdite.
"Unë jam shumë i emocionuar ... Nuk mund të pres", ka thënë Princ Harry kur u pyet nga zonja Ritu Dutt, nga Richmond, nëse ai ishte duke pritur ditën e tij të madhe, shkruan Daily Mail, përcjell Bota sot.
Harry u takua me dashamirët jashtë kështjellës, derisa nesër do të martohet me Meghanin.
Ai u bashkua në një shëtitje për të takuar turmat e mbledhura me vëllanë e tij të madh, Princin William.
I veshur me një kostum zyrtar, Harry dukej i lumtur derisa në duar mbante një lodër.