Jean-Marc Kabund, nënkryetar i Asamblesë Kombëtare të Republikës së Kongos, ka njoftuar se pandemia e koronavirusit deri tani u ka shkaktuar vdekjen 32 deputetëve.
Si shumë vende të tjera afrikane, Kongo ka publikuar më pak raste të vdekjes nga koronavirusi që nga fillimi i pandemisë. Në shifrat e publikuara nga Ministria e Shëndetësisë, Kongo deri tani ka regjistruar 720 persona të vdekur nga COVID-19 dhe 31.248 të infektuar, njofton euronews.
Virusi fillimisht nuk u mor seriozisht nga autoritetet e vendit, duke mos marrë masa serioze për parandalimin e tij. Kongo tani është ndër vendet afrikane më të prekura.
