Sekretari i Përgjithshëm i Kombeve të Bashkuara, Antonio Guterres, ka bërë thirrje për përfundimin e menjëhershëm të dhunës në një deklaratë për të shënuar 100 ditët që kur Rusia dërgoi trupat e saj në Ukrainë dhe tha se OKB-ja ishte e gatshme të mbështesë përpjekjet diplomatike për t'i dhënë fund konfliktit, shkruan Al Jazeera, raporton Bota sot.
“Ndërsa shënojmë këtë ditë tragjike, unë ripërsëris thirrjen time për një ndalim të menjëhershëm të dhunës, për akses të papenguar humanitar për të gjithë ata në nevojë, për evakuim të sigurt të civilëve të bllokuar në zonat e luftimit dhe për mbrojtjen urgjente të civilëve dhe respektimin e të drejtave të njeriut në përputhje me normat ndërkombëtare”, tha Guterres.
“Siç e kam theksuar që në fillim, zgjidhja e këtij konflikti do të kërkojë negociata dhe dialog. Sa më shpejt që palët të angazhohen në përpjekjet diplomatike me besim të mirë për t'i dhënë fund luftës, aq më mirë për hir të Ukrainës, Rusisë dhe botës. Kombet e Bashkuara janë të gatshme të mbështesin të gjitha këto përpjekje.”
