Pesë nga kompanitë më të mëdha shtetërore të Kinës kanë njoftuar planet për t'u larguar nga bursa e Nju Jorkut, pasi Shtetet e Bashkuara dhe Kina janë bllokuar në një ngërç mbi një marrëveshje që do të lejonte rregullatorët amerikanë të shqyrtonin raportet e auditimit të kompanive kineze.
Synimet për t'u larguar nga Wall Street u njoftuan nga kompanitë China Life Insurance, PetroChina dhe korporata China Petroleum & Chemical, si dhe prodhuesi i aluminit Aluminium ov China dhe Sinopek Shanghai Petrochemical, raporton "Bloomberg".
SHBA dhe Kina kanë qenë në mosmarrëveshje për dy dekada për lejimin e inspektorëve amerikanë të kenë qasje në dokumentet e auditimit të kompanive kineze.
Negociatorët nuk kanë arritur ende një marrëveshje për të cilën Kongresi Amerikan ka caktuar një afat deri në vitin 2024 për të iniciuar kompanitë, raportet e të cilave nuk përputhen me rregulloret e kontabilitetit të SHBA-së për t'u përshtatur.
Kina kontinentale dhe Hong Kongu janë, sipas Bloomberg, dy juridiksionet e vetme në botë që nuk lejojnë inspektime nga Bordi i Mbikëqyrjes së Kontabilitetit Publik të SHBA-së, me zyrtarët atje që përmendin shqetësimet për sigurinë kombëtare dhe konfidencialitetin e të dhënave.
Komisioni i Letrave me Vlerë të Kinës tha se planet për t'u hequr nga bursa e Nju Jorkut bazohen në shqetësimet e biznesit të kompanisë.
