Ministria e Jashtme e Rusisë ka thënë se Moska do të përdorë arsenalin e saj bërthamor vetëm në "rrethana emergjente" dhe se nuk ka interes në një konfrontim të drejtpërdrejtë me NATO-n dhe Shtetet e Bashkuara, përcjell Bota sot.
Duke folur në një konferencë për media, zëdhënësi i Ministrisë së Punëve të Jashtme Ivan Nechaev tha se armët bërthamore do të përdoren vetëm si një masë "përgjigje".
"Doktrina ushtarake ruse lejon një përgjigje bërthamore vetëm në përgjigje të kërcënimit të shkatërrimit në masë, ose kur vetë ekzistenca e shtetit është e kërcënuar," tha ai.
Kjo do të thotë, përdorimi i një arsenali bërthamor është i mundur vetëm si pjesë e një reagimi ndaj një sulmi në vetëmbrojtje dhe vetëm në raste urgjente.
