LIVE: Rriten tensione, Bjellorusia lëviz trupat dhe pajisjet ushtarake – “Rigurpimi”, Stoltenberg tregon cili është qëllimi i Rusisë

Rusia po kërkon të “ngrijë” përkohësisht konfliktin në Ukrainë, në mënyrë që të “rigrupohet dhe më pas të nisë një ofensivë më të madhe”, tha të mërkurën Sekretari i Përgjithshëm i NATO-s, Jens Stoltenberg.

Duke folur në një ngjarje të organizuar nga Financial Times, Stoltenberg tha se qëllimi i Rusisë ishte “të përpiqet të ketë një lloj pushimi të shkurtër ose një ngrirje të shkurtër të konfliktit në mënyrë që Rusia të rimarrë trupat e saj, të rigrupohet dhe më pas të nisë një ofensivë më të madhe më vonë.

Sipas tij, tani Ukraina ka momentumin, shkruan CNN.

Kujtojmë se Stoltenberg tha javën e kaluar se presidenti rus Vladimir Putin “po dështon në Ukrainë”.

Bjellorusia, aleati më i ngushtë i Rusisë, njoftoi se po lëviz trupat dhe pajisjet ushtarake, duke përmendur “kërcënimet kundër terrorizmit”, sipas agjencisë shtetërore të lajmeve BelTA.

Njoftimi vjen mes tensioneve të shtuara përgjatë kufirit verior të Ukrainës me Bjellorusinë, i cili u përdor si një platformë nga trupat ruse gjatë pushtimit në shkurt.

“Gjatë kësaj periudhe është planifikuar lëvizja e pajisjeve ushtarake dhe personeli i forcave të sigurisë kombëtare, kufizohet përkohësisht lëvizja e qytetarëve (transporti) përgjatë rrugëve të caktuara publike dhe zonave të terrenit dhe përdorimi i armëve imituese për qëllime stërvitore”, raportoi BelTA, duke cituar Këshillin e Sigurimit të Bjellorusisë.

Bjellorusia ka njoftuar gjithashtu fillimin e stërvitjeve ushtarake në përputhje me “fushatën e rekrutimit të vjeshtës për rekrutët e rinj për të marrë trajnimin bazë ushtarak”.

Gjatë fundjavës, ministri rus i mbrojtjes Sergei Shoigu vizitoi Bjellorusinë dhe u takua me Presidentin Alexander Lukashenko, për të cilin Mykhailo Podolyak, një këshilltar i kreut të Zyrës së Presidentit të Ukrainës, tha se “do t’i shtohet materialeve të aktakuzës si një shpërndarje e roleve kriminale.”

Trupat bjelloruse nuk kanë marrë pjesë në konflikt, një qëndrim i ripërsëritur nga Lukashenko në tetor.

Administrata e Presidentit Biden ka shtuar 24 kompani dhe entitete të tjera që kanë mbështetur ushtarakisht Rusinë, aktivitetet bërthamore të Pakistanit ose kanë furnizuar një kompani elektronike iraniane në një listë të kontrollit të eksportit, përcjell Bota sot.

Subjektet, me bazë në Letoni, Pakistan, Rusi, Singapor dhe Zvicër, u shtuan për shkak të shqetësimeve të sigurisë kombëtare të SHBA-së dhe politikës së jashtme, tha Departamenti i Tregtisë.

Kompanitë përfshijnë Fiber Optic Solutions në Letoni, e cila prodhon xhiroskopë me fibra optike dhe pajisje të tjera dhe AO Kraftway Corporation PSC të Rusisë, e cila e quan veten një nga kompanitë më të mëdha ruse të IT.

Departamenti i Tregtisë shtoi gjithashtu katër kompani tregtare dhe furnizimi në Singapor për furnizimin ose përpjekjen për të furnizuar një kompani elektronike iraniane, Pardazan System Namad Arman.

Më shumë tani nga presidenti rus Vladimir Putin, i cili po fliste përmes videolidhjes në një takim të Këshillit të tij për të Drejtat e Njeriut këtë pasdite, përcjell Bota sot.

Putin pretendoi se Rusia nuk e filloi "luftën" në Ukrainë, por përkundrazi pretendoi se ajo filloi me një "grusht shteti" në vitin 2014 - kur Krimea u pushtua nga Moska.

Ai shtoi se Rusia nuk ka pasur "asnjë shans për të zgjidhur situatën në Ukrainë", ku forcat e Kremlinit kanë zhvilluar luftë që nga fundi i shkurtit.

Putin më pas pretendoi se Polonia, e cila është fqinje me Ukrainën, shpreson të pushtojë territore në perëndim të vendit. Polonia ka mirëpritur miliona refugjatë ukrainas në muajt e fundit.

Ai tha: "Rusia mund të jetë garantuesi i vetëm i integritetit territorial të Ukrainës. Por kjo varet nga udhëheqësit e rinj të Ukrainës."

Udhëheqësi rus iu kthye frikës për armët bërthamore, duke pretenduar se kërcënimi i luftës bërthamore është "në rritje".

Megjithatë, ai tha: "Rusia i konsideron armët bërthamore një përgjigje ndaj një sulmi."

Putin pohoi gjithashtu se Rusia "nuk ka armë bërthamore taktike në vende të tjera ndryshe nga Shtetet e Bashkuara", dhe më pas tha: "Ne kemi armët më të avancuara, por nuk duam t'i tundim ato".

Pastaj ai tha: "Rusia nuk është çmendur".

Një aksident tragjik ka ndodhur në Donetsk, në lindje të Ukrainës.

Të paktën 15 persona kanë humbur jetën, ndërsa disa të tjerë kanë mbetur të plagosur.

The Guardian shkruan se në aksident janë përfshirë një minibus dhe një kamion. Ndërkohë pasagjerë ishin edhe ushtarë.

Mediat ruse kanë shkruan për aksidentin: “Në autostradën Shakhtersk-Torez, një kamion që transportonte personel ushtarak u përplas me një minibus. 16 persona vdiqën”.

Ushtria ruse lëre që po godet infrastrukturën civile në Ukrainë dhe po e pësojnë me jetë mijëra civilë, ata kanë filluar në masë të madhe edhe të vjedhin.

Fillimisht është raportuar e filmuar duke vjedhur rrobalarëse, rakun e gjësende të ndryshme.

Ndërsa tani ushtarët e Vladimir Putinit, janë filmuar duke vjedhur vaska të cilat i transportonin nëpër kamionë.

Kjo është një dëshmi tjetër, që rusët nuk po zgjedhin mjete që t’i shkaktojnë sa më shumë dëme Ukrainës dhe popullit të këtij vendi.

E derisa e tërë bota e quan luftë dhe agresion ndaj një shteti sovran, Kremlini po vazhdon ta gënjejë popullin e vet duke thënë se në Ukrainë po zhvillohet “operacioni special ushtarak”.

The "special operation" is going according to plan: the washing machines were stolen, the raccoon was stolen, and now Russian marauders stole the bath. pic.twitter.com/zeyJD3Yubd

— NEXTA (@nexta_tv) December 6, 2022

Sekretari i përgjithshëm i NATO-s, Jens Stoltenberg, ka thënë se Rusia është duke u përpjekur që t’i ngrijë luftimet në Ukrainë gjatë dimrit për t’i përgatitur forcat e saj për sulm të ri vitin e ardhshëm.

Sipas zyrtarit të lartë të aleancës, ende nuk ekzistojnë kushtet për zgjidhje paqësore për luftën. Ai e bëri këtë koment në një tubim të organizuar nga gazeta “Financial Times”, pas spekulimeve për mundësinë e zhvillimit të bisedimeve diplomatike.

“Kushtet [për bisedime] nuk janë aty tani, sepse Rusia nuk ka shfaqur shenja të angazhimit në bisedime, që janë respektimi i sovranitetit dhe i integritetit territorial të Ukrainës”- tha ai.

“U përket ukrainasve që të vendosin se kur është koha e duhur për t’i filluar bisedimet dhe për t’u pajtuar me kushtet. Shumica e luftërave dhe, sipas shumë gjasave, edhe kjo luftë do të përfundojë në tavolinën e bisedimeve”- shtoi sekretari i NATO-s.

Ai u bëri thirrje aleatëve të NATO-s që ta vazhdojnë dërgimin e armëve në Ukrainë gjatë dimrit, sepse, sipas tij, Rusia është duke kërkuar një pushim në luftime për t’u përgatitur për një ofensivë në pranverë.

“Ajo që e shohim tani, është që Rusia është duke u përpjekur që ta ngrijë këtë luftë, të paktën për një periudhë të shkurtër, në mënyrë që ata të mund të rigrupohen, të riparojnë e të rimëkëmben e të mundohen që të nisin një ofensivë më të madhe pranverën e ardhshme”- tha Stoltenbergu.

“Paradoksi është që sa më shumë që duam një zgjidhje paqësore e të negociuar, duke u siguruar që Ukrainë të ngadhënjejë, aq më urgjente është që t’i ofrojmë përkrahje ushtarake Ukrainës”- tha ai.

Dimri ka mbërritur në vijën e frontit në Ukrainë, kështu që balta dhe shiu ngadalë po ia lënë vendin borës dhe akullit. Temperaturat në vijën e frontit në Bahmut tashmë kanë rënë në minus 11 gradë Celsius këtë javë. Faktor kyç në luftën e dimrit në muajt në vijim do të jetë sasia dhe cilësia e pajisjeve dimërore, ushqimit dhe bunkerëve. Në tetor, Kanadaja u zotua t'i dërgojë Ukrainës 500,000 veshje dimërore, Gjermanisë 100,000 xhaketa të ngrohta dhe Britanisë 25,000 komplete që përfshijnë veshje të ngrohta, elektrik dore dhe çanta gjumi. Për Ukrainën, sfida më e madhe do të jetë dërgimi i pajisjeve në vijën e parë në kohë.

Stërvitje dhe moral

"Trajnimi, morali dhe udhëheqja bëhen kritike," tha Ben Barry, një ish-komandant i Ushtrisë Britanike që shërbeu në Bosnje, për stacionin televiziv britanik Channel 4. Eksperti ushtarak Thomas C. Theiner beson se rusët do të jenë në telashe të mëdha gjatë dimrit dhe parashikon se rreth 100.000 ushtarë rusë do të vdesin për shkak të kushteve të këqija dhe mungesës së përgatitjes. Përveç mungesës së ushqimit të nxehtë, çantave të gjumit dhe ngrohësve, rusët përballen edhe me mungesën e llogoreve në të cilat mund të ngrohen. Ndërsa temperaturat ulen dhe toka ngrin, hapja e llogoreve të reja do të bëhet e pamundur.

"Trupat ruse të pajisura keq, veçanërisht rekrutët, tashmë po vdesin nga hipotermia edhe në kampet e stërvitjes," tha eksperti i sigurisë Robert Fox për Daily Express .

Tmerri që do të përjetojnë rusët

Rebekah Koffler, ish-agjente e DIA-s dhe autore e librit “Putin's Playbook”, thekson se ndryshimi erdhi në vitin 2008, kur Valentin Yudashkin, ish stilisti i gruas së ish-udhëheqësit sovjetik Mikhail Gorbachev, Raisa Gorbachev, filloi të zhvillonte ushtrinë ruse, uniformat. Në vend të funksionalitetit dhe pragmatizmit, prioriteti u bë stili.

“Ndryshe nga uniformat ushtarake sovjetike që ishin krijuar për dimër të ashpër rus, uniforma moderne ushtarake ruse nuk është e optimizuar për temperatura të ftohta”, tha Koffler. Mediat e pavarura ruse dhe blogerët ushtarakë publikojnë artikuj rreth burrave të sapomobilizuar që duhet të blejnë pajisjet e tyre dimërore dhe çantat e gjumit. Ndërkohë, dolën raporte se avionët rusë të transportit Antonov An-124 vizituan Kinën nëntë herë në fund të nëntorit, me disa madje që kishin fikur pajisjet e tyre të gjurmimit të fluturimeve.

“Ka zëra se avionët përmbanin veshje dimërore për trupat për të ndihmuar Rusinë të plotësonte mungesat,” i tha Guardian Orisja Lucevich, një studiuese në qendrën e mendimit Chatham House.

“Strategjia e Dimrit” e Vladimir Putin

Për pasojë, ekspertët mendojnë se faza e re e luftës, është ajo quhet “Strategjia e Dimrit” e Vladimir Putin kundrejt “Strategjisë Verore” të NATO-s. Është e qartë se Putin është gati të vazhdojë të përparojë në Ukrainë, me shpresën se inflacioni në rritje i çmimeve të energjisë dhe ushqimeve në Evropë do ta përçajë në fund aleancën e NATO-s.

Basti i tij duket se është: Nëse temperaturat mesatare në Evropë janë më të ftohta sesa normalja, dhe nëse furnizimet mesatare globale të naftës dhe gazit janë më të pakta se normalja, dhe nëse çmimet mesatare janë më të larta se normalja, dhe nëse ndërprerjet e energjisë elektrike si pasojë e mungesës bëhen të shpeshta, ka një shans të mirë që anëtarët evropianë të NATO-s të fillojnë t’i bëjnë presion presidentit të Ukrainës Volodymyr Zelensky që të arrijë një marrëveshje me Rusinë. Çdo lloj marrëveshje, për të ndalur luftimet. Pra, me siguri që Putin duhet t’u thotë trupave dhe gjeneralëve të tij të rraskapitur: “Mjafton të rezistoni deri për Krishtlindje. Dimri është aleati ynë!”. Por kjo strategji do të dështojë, pasi Evropa ka gjetur burimet e saj të naftës dhe po shkëputet totalisht nga burimet ruse.

Ministri i Jashtëm i Ukrainës Dmytro Kuleba tha se do të kishte dy kushte për përfundimin e luftës: që Rusia të braktiste planet e saj të pushtimit dhe të tërheqë trupat e saj nga toka ukrainase.

"Për t'i dhënë fund luftës në Ukrainë, duhet të bëhen dy gjëra - mendësia në Kremlin duhet të ndryshojë dhe fuqitë si India mund të ndihmojnë me këtë”, tha ai.

“Moska duhet të braktisë planet e saj të luftës dhe të kalojë nga një luftë nxitëse në një mentalitet paqësor.

Së dyti, Rusia duhet të tërheqë forcat e saj nga i gjithë territori i Ukrainës”, shtoi ai për kanalin e lajmeve NDTV të Indisë.

Janë shënuar mbi 9 muaj që nga fillimi i luftës Rusi-Ukrainë.

Me mijëra të vrarë dhe infrastrukturën energjetike të shkatërruar si pasojë e bombardimeve ruse, sipas skynews.

Kjo ka vështirësuar jetën e banorëve, të cilët  po vuajnë nga mungesa e energjisë dhe ujit të pijshëm, me ardhjen e dimrit.

Ndërkohë, presidenti Volodymyr Zelenskyy ka vizituar ushtarët e plagosur ukrainas në spitalin e Kievit.