Një ushtar rus që ngiste tankun në lindje të Ukrainës, është filmuar nga ajri duke vrapuar nëpër një fushë të mbuluar nga bora, derisa tërë trupin e kishte të përfshirë nga zjarri.
Ishte artileria ukrainase ajo që goditi mjetin e tij të blinduar, duke bërë që ai të preket nga zjarri dhe të dalë jashtë duke vrapuar, me shpresën se do të arrijë të shuaj zjarrin.
Megjithatë edhe tanket e tjera ruse që ishin pranë tij e pësojnë keq nga artileria ukrainase, që i godet me precizitet të paparë.
Ndryshe lufta në Ukrainë është duke vazhduar, ku çdo ditë raportohet për qindra të vdekur nga të dyja palët si dhe mjete të shkatërruara luftarake.
E një prej beteja që po konsiderohet si më e përgjakshmja është ajo e qytetit të Bakhmutit, ku të dyja palët po synojnë të marrin kontrollin mbi këtë vend.
