Ukrainasit kanë njoftuar se kanë shkatërruar tankun më të mirë dhe më modern rus T-90M Prorjiv.
Parashutistët e brigadës së 79-të kanë shkatërruar tankun T-90M Prorjiv dhe vazhdojnë të demolojnë në mënyrë aktive pajisjet e armikut, shkruajnë ukrainasit.
Ata shtojnë se njësitë ruse kanë sulmuar forcat ukrainase me këtë tank, por janë kundërsulmuar me një raketë antitank.
Ukrainasit publikuan edhe një video të ushtarëve që morën pjesë në aksion duke folur. U shfaqën gjithashtu disa foto të tankut.
Shkatërrimi i këtij tanku pasqyron gjithashtu gatishmërinë e Moskës për të përfshirë pajisjet e saja ushtarake superiore në betejë.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt duke shkaktuar mijëra viktima dhe dëme të shumta materiale.
