Vilnius shpenzoi 10 milionë euro për rregullimin e infrastrukturës për samitin e NATO-s më 11-12 korrik, u tha gazetarëve kryebashkiaku i kryeqytetit të Lituanisë Valdas Benkunskas.
“Puna për riparimin e sipërfaqes rrugore në rrugë, riparimin e trotuareve dhe shtigjeve do të ishte bërë në një mënyrë apo tjetër. Samiti e përshpejtoi ritmin e tyre, por e gjithë kjo infrastrukturë e riparuar për 10 milionë euro do t’u shërbejë qytetarëve pas samitit”, tha ai.
I gjithë buxheti i samitit dyditor është 17 milionë euro.
Kryebashkiaku nuk specifikoi nëse kjo shumë e akorduar nga buxheti i shtetit përfshin koston e rregullimit të infrastrukturës së Vilnius, apo ishin para nga buxheti i qytetit.
