LIVE: Luftë e re në horizont? Forcat ukrainase përparojnë në luftimet jashtë qytetit

Forcat ukrainase kanë bërë përparim në luftimet jashtë qytetit Bakhmut në Donetsk dhe disa vende të tjera.

Forcat e ushtrisë ukrainase kanë përparuar në pjesë të ndryshme të Donetskut, Ukrainën lindore dhe në jug, e thonë autoritetet e vendit.

Sipas raportimeve, thuhet se ushtarët ukrainas gjinden pranë qytetit dhe vijës së parë Avdijivka në Donetsk. Ata ndër të tjera, kanë kapur pjesë të fshatit Optyne në jug të qytetit, kështu shprehet Vitaly Barabash, i cili drejton administratën ushtarake lokale.

Besoj se kjo është shumë e rëndësishme, thotë V.Barabash.

Ai shton se luftimet vazhdojnë ende në fshat, por në të njëjtën kohë, udhëheqja qendrore ushtarake e Ukrainës shpjegon se ata kanë bërë përparim edhe në fshatin Klishchiivka, në kodrën në jug të Bakhmut dhe  Donetsk, aty ku kishte luftime të ashpra për gati një vit derisa qyteti u pushtua nga forcat ruse në maj.

Fshati shihet si vend i rëndësishëm për rimarrjen e Bakhmutit.

Udhëheqja ushtarake thotë gjithashtu se është bërë përparim edhe në Robotyne në jug të vendit.

Kundërofensiva e Ukrainës ndaj agresorëve use do të vazhdojë në muajt e ardhshëm, pavarësisht se përkeqësimi i motit do të vështirësojë luftimet, tha të shtunën kreu i agjencisë ukrainase të zbuliumit, Kyrylo Budanov.

"Aksionet luftarake do të vazhdojnë në një mënyrë a një tjetër. Në të ftohtë, në shi dhe në baltë, është më e vështirë të luftosh. Luftimet dhe kundërofensiva do të vazhdojë," tha zoti Budanov.

Kundërofensiva e Ukrainës ka dhënë më shumë rezultat në jug të vendit, ku forcat e mbrotjes kanë arritur të çlirojnë mbi 10 fshatra në tre muajt e fundit, raporton VOA.

Forcat e armatosura të Ukrainës po bëjnë "përparime taktike graduale " kundër vijës mbrojtëse të Rusisë në lindje të qytetit Robotyne, tha të shtunën ministria britanike e Mbrojtjes në njoftimin e saj të përditshëm mbi agesionin rus ndaj Ukrainës.

Kundërofensiva e ndërmarrë nga Ukraina ka qenë më e ngadaltë nga sa pritej për shkak të zonave të mëdha të minuara dhe vendosjes së trupave ruse.

Komentet e zotit Budanov, të bëra gjatë një konference për shtyp në Kiev, tregojnë se Ukraina nuk ka ndërmend të ndalë kundërsulmin e saj kur moti të përkeqësohet në muajt në vazhdim.

Rezultatet e kundërofensivës kanë ngritur shqetësime mes përkrahësve të Kievit se Perëndimi mund të përballet me një betejë të vështirë për të vazhduar ndihmën ndaj Ukrainës si edhe mbështjetjen e nevojshme ushtarake që Kievi të vazhdojë luftimet me të njëjtin intensitet.

Sulmet me fluturake pa pilot mbi aeroportet rus thellësi në këtë territor, me siguri po kryhen nga territori rus, kurse “patrullat vullnetare të sigurisë” që federate ruse ka vendosur t’i organizojë do të ndihmojnë pjesshëm në luftën këtyre sulmeve, është bërë e ditur në raportin e inteligjencës britanike.

“Për shkak të rrezes së kufizuar të fluturakeve pa pilot, sulmet në bazat ushtarake janë zhvilluar nga brendësia e Federatës ruse”, thuhet ndër tjera nga britanikët.

Inteligjenca e ministrisë britanike të Mbrojtjes gjithashtu i ka kushtuar rëndësi deklaratave të guvernatori të rajonit Pskovk në Rusi, ku urdhëroi formimin e “patrullave vullnetare të sigurisë” për të parandaluar sulmet e mëtutjeshme në bazën ushtarake Kresy, ku gjenden dy aeroplan IL-76 që janë dëmtuar më 29 gusht.

Rreth 800 persona u regjistruan në skuadrat anti-dronë. Ata do të ndahen në grupe prej 50 personash që do të patrullojnë zona të caktuara kufitare, objekte të rëndësishme infrastrukturore dhe aeroporte.

Zyrtarët britanikë të inteligjencës besojnë se këto patrulla vullnetare ka të ngjarë të veprojnë si një pengesë dhe të ofrojnë njëfarë mbrojtjeje kundër lëshimit të mundshëm të dronëve direkt pranë aeroportit.

Por meqenëse është dëshmuar e vështirë të rrëzohen dronët me armë të vogla, rusët do të kenë ende nevojë për sisteme serioze të mbrojtjes ajrore me radarë dhe pajisje më komplekse për të synuar dhe mbrojtur objektet e tyre.

Shërbimi Informativ i Mbrojtjes i Britanisë së Madhe thekson gjithashtu se përfshirja e patrullave vullnetare tregon mungesë të personelit të trajnuar për detyra të tilla. 

Muajin e kaluar, disa përfaqësues të establishmentit francez, të njohur për retorikën e tyre pro-armene, i kanë bërë thirrje në mënyrë aktive komunitetit ndërkombëtar, që të vendosë sanksione kundër Azerbajxhanit. Kjo nismë është ndërmarrë nga Valéry Buaye, nënkryetari i partisë Republikane, Bruno Retailleau, kreu i senatorëve të kësaj partie dhe eurodeputetja franceze Natalie Luazo.

Ky akt pasoi një thirrje të socialistëve, komunistëve dhe ambientalistëve francezë më 27 korrik drejtuar presidentit Emmanuel Macron për të vendosur sanksione kundër Azerbajxhanit.

Retorika luftarake e disa politikanëve francezë, e cila provokon një rritje të ndjenjave revanshiste në Armeni, krijon kushte për përshkallëzim në rajon, duke çuar potencialisht në një Luftë të Tretë të Karabakut. Specialisti i shquar britanik i Kaukazit dhe autori i librit mbi këtë konflikt “Black Garden”, Thomas de Waal beson se lufta ka të ngjarë të jetë e pashmangshme.

Parisi po lobon për interesat e Kremlinit

Veprimet e disa politikanëve francezë kundërshtojnë plotësisht qëndrimin e përgjithshëm të Bashkimit Evropian, e cila kërkon të zëvendësojë furnizimet ruse me energji me ndihmën e Azerbajxhanit. Siç raportohet nga media rumuna Digi, është Azerbajxhani ai që “është bërë një nga vendet kryesore nëpërmjet të cilit po kryhet zëvendësimi i burimeve ruse të energjisë në tregun evropian”.

Po kështu, media polake Salon24 vuri në dukje se “furnizimet e gazit të Azerbajxhanit në BE arritën në 12 miliardë metra kub në vitin 2022 dhe Baku planifikon ta dyfishojë këtë shifër deri në vitin 2027”.

“Zotërimi i një infrastrukture të tillë është në interes thelbësor për politikën e pavarur energjetike të Bakut”, tha BE.

Megjithatë, divergjenca midis linjës së përgjithshme të Brukselit dhe politikës së Parisit për Kaukazin e Jugut nuk kufizohet vetëm në këtë pike. Disa politikanë francezë mbështesin aktivisht separatistët e Armenisë në Karabakh, të cilët janë fuqimisht kundër arritjes së paqes me Azerbajxhanin.

Evropa e bashkuar kontribuon në pajtimin midis Baku dhe Jerevanit, francezët po i shtyjnë ata drejt një lufte tjetër. Shumë media evropiane paralajmëruan për këtë në korrik. Një nga mediumet kryesore lituaneze Alfa raportoi se “politika e Macronit ndaj Kaukazit Jugor gjithashtu nuk përputhet plotësisht me politikën e jashtme të BE-së, e cila synon të vendosë paqen midis Armenisë dhe Azerbajxhani”.

Ndërkohë, një nga tre faqet kryesore të lajmeve të Rumanisë, Stiri, shkroi se “presidenti i Francës ka pranuar që qëndrimi i tij nuk ndahet nga pjesa tjetër e Evropës.

“Unë do të vazhdoj përpjekjet e mia, edhe nëse jam pothuajse i vetmi i familjes ndërkombëtare me një axhendë të tillë”, vijohet tutje.

Gazeta bullgare Fakti konfirmon qëndrimin e qartë të Macronit.

“Presidenti francez mbështet publikisht separatizmin pro-rus në Kaukazin e Jugut, domethënë, në Karabak, i pushtuar nga një grup besnik i Kremlinit”, shkruan kjo medie.

Kësaj ndjesie i bëjnë jehonë edhe gazetarët letonezë të La.lv.

“Kremlini ka ende aleatë me ndikim në Perëndim që mbështesin separatizmin në shtetet post-sovjetike, politikat e të cilëve bien ndesh me pozicionin e BE-së. Midis tyre është edhe presidenti francez Emmanuel Macron”, shkruan kjo medie.

Sipas medias kroate Direktno, “politika e Macronit në Kaukazin e Jugut bie plotësisht në kundërshtim me politikën e jashtme të BE-së, e cila synon vendosjen e paqes midis Armenisë dhe Azerbajxhanit”.

Pas përfundimit të Luftës së Dytë të Karabakut në nëntor 2020, Azerbajxhani dhe Armenia u ulën për negociata me përfshirjen personale të kreut të Këshillit Evropian, Charles Michel.

Më 17 maj, kryeministri Nikol Pashinyan e pranoi publikisht Karabakun si territor të Azerbajxhanit. Si rezultat, më 24 korrik, presidenti i Azerbajxhanit, Ilham Aliyev madje deklaroi se një marrëveshje paqeje është planifikuar për deri në fund të vitit 2023.

Megjithatë, të inkurajuar nga elementët më radikalë në diasporën armene dhe politikanët francezë të lidhur me ta, revanshistët në Jerevan ushtruan një presion aq masiv ndaj Pashinyanit saqë ai u detyrua të tërhiqej. Nga fundi i korrikut dhe fillimi i gushtit, Armenia dhe Franca filluan një fushatë mediatike ndërkombëtare në shkallë të gjerë për të demonizuar Azerbajxhanin. Por propaganda, ultimatumet dhe thirrjet për sanksione çuan vetëm në prishjen e procesit të negociatave.

Divizioni rumun i Newsweekit paralajmëroi për këtë fenomen më 19 qershor.

“Duke ndjerë mbështetje në rritje ushtarake dhe politike nga Parisi, ata (revanshistët armenë) po ushtrojnë presion në rritje ndaj qeverisë. Si rezultat, Pashinyan duket gjithnjë e më i pavendosur në lidhje me një zgjidhje paqësore me Bakun”, shkruan Newsweek.

Kjo ndjenjë u bë jehonë nga media malazeze Analitika.

“Parisi zyrtar minon përpjekjet e Washingtonit dhe Brukselit për të zgjidhur konfliktin armeno-azerbajxhanas”, shkruan kjo medie.

Inkurajimi i politikanëve francezë për separatistët në Karabak dhe revanshistët në Jerevan i ngjan situatës së paraluftës në Ukrainë kur Putini mbështeti hapur separatistët në Donbas. Qëllimi i Kremlinit që nga viti 2014 është tashmë i dukshëm: fillimi i një lufte në shkallë të gjerë, e cila tashmë ka marrë gjysmë milioni jetë.

Paralelizmi midis politikës ruse dhe aktivitetit aktual të francezëve u vu re nga EuToday, një botim analitik me bazë në Londër.

“Ashtu si Rusia, Franca nuk ka asnjë interes në zgjidhjen e konfliktit armeno-azerbajxhanas. Kjo shërben si një pretekst për ata në mënyrë që të ruajnë dhe rrisin njëkohësisht ndikimin e tyre në Kaukazin e Jugut”, shkruan EuToday.

Humbja e një partneri energjetik do të ishte shkatërruese për BE-në Kërcënimi i një lufte të re në Kaukazin e Jugut, një rajon i rëndësishëm strategjik për zëvendësimin e burimeve energjetike ruse, është krejtësisht i papranueshëm për BE-në. Nëse do të fillonin veprimet ushtarake në shkallë të plotë, furnizimet me energji nga Azerbajxhani do të pushonin.

Në pragun e krizës së refugjatëve ukrainas, dimrit që po afrohet dhe tensioneve politike në Evropë, rreziku i humbjes së Bakut si partner energjetik mund ta çojë BE-në në një kolaps energjetik. Për më tepër, Evropa do të përballej me pasojat e një lufte tjetër në afërsi të kufijve të saj: valë të reja refugjatësh, një rritje tjetër e inflacionit dhe konfrontim të mëtejshëm gjeopolitik.

Është e qartë se Rusia dhe Irani ka të ngjarë të përfitojnë nga një konflikt në Kaukaz, i cili do t’i shërbente interesave të Putinit, duke e bërë shumë më sfiduese për Bashkimin Evropian ruajtjen e niveleve aktuale të ndihmës për Ukrainën. Nëse francezët vazhdojnë të inkurajojnë separatistët pro-rusë në Karabak, përshkallëzimi në rajon do të bëhet i pashmangshëm.

Nga vlerësimet e Thomas de Waal të përmendur më parë, lufta mund të fillojë edhe para zgjedhjeve presidenciale të SHBA-së në vitin 2024. Revanshistët armenë, të mbështetur nga mbështetja franceze, kundërshtojnë fuqimisht arritjen e paqes me Bakun dhe kërkojnë autonomi për pakicën armene në Karabakh.

Azerbajxhani, si një variant i zgjidhjes së konfliktit, u ofron armenëve të Karabakut një zgjedhje: të integrohen plotësisht në shoqërinë azerbajxhanase ose të largohen nga territori. Kjo gjë u vërejt nga Instituti amerikan Carnegie.

“Alijev po u dërgon një sinjal të qartë armenëve të Karabakut: ata duhet të pranojnë integrimin e plotë në sistemin shtetëror të Azerbajxhanit. Autonomia territoriale nuk është për diskutim; armenët duhet të bëhen qytetarë të zakonshëm Azerbajxhanas”, shkruan ky institut.

Azerbajxhani sovran kërkon paqe

Për momentin, Baku zyrtar, ashtu si 30 vjet më parë, mbron një zgjidhje paqësore të konfliktit. Megjithatë, provokimet e vazhdueshme nga Armenia, me mbështetjen franceze dhe enklavën separatiste në Karabakh i bëjnë këto përpjekje të kota.

Sipas katër rezolutave të Këshillit të Sigurimit të Kombeve të Bashkuara (822, 853, 874 dhe 884), Karabaku është pjesë përbërëse e Azerbajxhanit.

Nisur nga këto dokumente ndërkombëtare, Baku ka çdo të drejtë të nisë një operacion për neutralizimin e formacioneve të armatosura separatiste në territorin e saj sovran.

Me mbështetjen e partnerëve strategjikë, Izraelit dhe Turqisë, pak dyshim mbeten, se ky operacion do të rezultonte i suksesshëm.

Presidenti francez, Emmanuel Macron ka folur rreth pushtimit rus të Ukrainës, nga samiti i G20-s që po zhvillohet në Indi.

Macron u shpreh se presidenti i Rusisë, Vladimir Putin nuk mori pjesë pasi ka frikë nga sanksionet, shkruan BBC.

“G20 mbështet integritetin territorial në statutet e OKB-së. Kjo është e kundërta e asaj që po bën Rusia,” u tha ai gazetarëve në Delhi.

Macron shtoi se konsensusi mbi deklaratën e përbashkët ishte “arsyeshëm i lehtë”.

“Kam dhënë vërejtjet e mia se ku ka vend për përmirësim”, tha ai.

Kreu i inteligjencës ushtarake të Ukrainës, Kyrylo Budanov, në forumin Jalte – strategjitë evropiane në Kiev, që mblodhi politikanët ukrainas dhe ata ndërkombëtar për të diskutuar për avancimet në luftë, ka folur për taktikën ruse.

“Sa i përket kreativitetit dhe fleksibilitetit, ende kemi një avantazh ndaj tyre, ata janë mjaft të vjetëruar. Por po përshtaten, po përpiqen të ndryshojnë taktikat, të ndryshojnë mënyrën se si përdorin forcat, strategjia e tyre po dështon, por taktikat e tyre kanë disa përmirësime”, tha Budanov.

“Ata kaluan në përdorimin masiv të dronëve, para luftës thjesht nuk e kuptonin rëndësinë e tyre, tani po na kopjojnë shumë”, shtoi kreu i inteligjencës ushtarake të Ukrainës.

Ai foli për skandalin rreth Elon Musk dhe Starlink: “Është e vështirë të thuash se ku është e vërteta, çfarë është trillim. Personalisht, nuk jam i sigurt se vetë Elon Musk ka shtypur disa butona për të ndaluar lëvizjen e disa dronëve. Sa i përket sistemit Starlink , nuk ishin fare funksionale pranë Krimesë”.

“Ne përdornim pajisje speciale dhe e dinim që nuk kishte mbulim për ne. Starlink vazhdon të luajë një rol të jashtëzakonshëm pasi shumë sisteme e përdorin atë për lidhjet e të dhënave me dronë, kur kërkohet komunikim në distancë me pikat e komandës dhe ato kanë qenë mjaft të mira në vijën e parë”, tha ai.

Një vullnetar i huaj është konfirmuar i vrarë, një i zhdukur dhe dy të tjerë janë plagosur në Donetsk Oblast pasi furgoni i tyre ra nën zjarrin e artilerisë ruse më 9 shtator. Vullnetarët, nga OJQ Road to Relief po lëviznin pranë qytetit të vijës së parë të Chasiv Yar rreth orës 10 të mëngjesit kur ndodhi sulmi, raportoi organizata, përcjell Bota sot.

Sipas faqes në Instagram të organizatës, brenda automjetit ndodheshin katër vullnetarë: vullnetari mjekësor gjerman Ruben Mawick, vullnetari suedez Johan Mathias Thyr, vullnetari kanadez Anthony "Tonko" Ihnat dhe vullnetarja spanjolle dhe drejtoresha e Rrugës për Ndihmën Emma Igual.

Mawick dhe Thyr u plagosën rëndë me plagë nga predha dhe djegie, por janë të dy në një gjendje të qëndrueshme në spitale të veçanta në zonë. Ihnat është konfirmuar i vdekur dhe trupi i tij është nxjerrë, sipas organizatës. Statusi i anëtarit të katërt, Igual, mbetet i panjohur.

Road to Relief është një OJQ humanitare ukrainase që u krijua në mars 2022 për të ofruar ndihmë dhe mbështetje për popullsinë civile të Ukrainës të prekur nga pushtimi rus. Sipas faqes së internetit të OJQ-së, vullnetarët e saj janë aktivë në rajonet Donetsk dhe Kherson, "duke u shërbyer gjithsej 112 fshatrave me një popullsi të kombinuar prej mbi 30,000 banorësh."

Presidenti brazilian Luiz Inacio Lula da Silva ka thënë se lideri rus Vladimir Putin nuk do të arrestohet në Brazil nëse ai merr pjesë në takimin e Grupit 20 në Rio de Zhaneiro vitin e ardhshëm, përcjell Bota sot.

Lula, duke folur për emisionin e lajmeve Firstpost në margjinat e takimit të G20 në Delhi të shtunën, tha se Putini do të ishte i ftuar në ngjarjen e vitit të ardhshëm.

Ai shtoi se ai vetë planifikoi të marrë pjesë në një takim të bllokut të vendeve në zhvillim BRICS që do të mbahet në Rusi përpara takimit të Rios.

"Unë besoj se Putini mund të shkojë lehtësisht në Brazil," tha Lula. "Ajo që mund t'ju them është se nëse unë jam president i Brazilit dhe ai vjen në Brazil, nuk ka asnjë mënyrë që të arrestohet."

Deklarata vjen pasi Gjykata Ndërkombëtare Penale (ICC) lëshoi një urdhër-arresti kundër Putinit në mars, duke e akuzuar atë për krimin e luftës të dëbimit të paligjshëm të qindra fëmijëve nga Ukraina.

Rusia ka mohuar se forcat e saj janë përfshirë në krime lufte ose kanë marrë me forcë fëmijë ukrainas.

Putin ka anashkaluar vazhdimisht tubimet ndërkombëtare dhe nuk ishte i pranishëm në mbledhjen e G20 në Delhi, duke dërguar ministrin e Jashtëm Sergej Lavrov.

Brazili është nënshkrues i Statutit të Romës që çoi në themelimin e ICC.

Zyra e Lulës nuk iu përgjigj menjëherë një kërkese për koment.

Të shtunën, vendet e G20 miratuan një deklaratë konsensusi që shmangte dënimin e Rusisë për luftën në Ukrainë, por u bëri thirrje të gjitha shteteve që të mos përdorin forcën për të rrëmbyer territorin.

Forcat e mbrojtjes ajrore të Ukrainës shkatërruan më shumë se dy duzina dronë mbi Kiev gjatë sulmit rus me dron gjatë natës, raportoi kreu i Administratës Ushtarake të qytetit të Kievit, Serhii Popko më 10 shtator.

Sipas postimit, dronët Shahed të prodhuar nga Irani "hynë në kryeqytet në grupe dhe nga drejtime të ndryshme". Mbrojtja ajrore arriti të shkatërrojë më shumë se dy duzina dronë dhe mbeturinat ranë në disa rrethe, përcjell Bota sot.

Më herët sonte, kryebashkiaku i Kievit, Vitali Klitschko raportoi se mbeturinat e dronëve ranë në të paktën katër zona të qytetit, duke përfshirë rrethet Shevchenkivskyi, Podilskyi dhe Sviatoshynskyi. Një person në lagjen Podilskyi raportohet se është plagosur, por lëndimi nuk është i rrezikshëm për jetën.

Serhii Popko më vonë zbuloi se në Shevchenkivskyi, mbeturinat e dronit dëmtuan një apartament në një ndërtesë të lartë.

Kryeministri kanadez Justin Trudeau lëshoi një deklaratë më 9 shtator në përgjigje të "zgjedhjeve të rreme" të mbajtura nga Rusia në rajonet e pushtuara të Ukrainës.

"Kanadaja nuk i njeh dhe nuk do t'i njohë kurrë rezultatet e këtyre zgjedhjeve të rreme ose tentativës së Rusisë për aneksimin e paligjshëm të Ukrainës", thuhet në deklaratë. “Këto zgjedhje të rreme janë shkelje serioze të së drejtës ndërkombëtare, duke përfshirë Kartën e Kombeve të Bashkuara...Putini nuk do ta ribërë hartën si të dojë dhe territori i Ukrainës do të mbetet i Ukrainës”.

Zgjedhjet ilegale në territoret e pushtuara, të cilat filluan më 31 gusht dhe janë planifikuar të përfundojnë më 10 shtator, vijnë gati një vit pasi Rusia mbajti referendume të rreme për aneksimin në rajonet Zaporizhzhia, Kherson, Luhansk dhe Donetsk, të cilat Moska i kontrollon vetëm pjesërisht. dhe nëntë vjet pasi Rusia aneksoi ilegalisht Gadishullin e Krimesë të Ukrainës.

Në fillim të kësaj vere, në samitin e NATO-s në Vilnius, kryeministri Justin Trudeau njoftoi 541 milionë dollarë kanadezë (410 milionë dollarë) në ndihmë për të mbështetur Ukrainën dhe për të forcuar sigurinë transatlantike.

Paketa e re bazohet në mbështetjen e ofruar tashmë, si trajnimi për ushtarët ukrainas, dhe adreson kërkesa specifike nga Ukraina si kamerat e dronëve. Zyra e kryeministrit vuri në dukje se paketa e fundit bazohet në ndihmën e dhënë tashmë që nga shkurti 2022, që arrin në mbi 6 miliardë dollarë.