LIVE: Kambanat e alarmit po bien në Evropë, zbulohet plani i Putinit - ja cilin shtet planifikon ta pushtojë pas Ukrainës

Komisioni Evropian ka propozuar një sasi ndihmash prej 53 miliardë dollarësh për Ukrainën. Njoftimi vjen në një kohë kur ushtria e Ukrainës po përgatitet për një dimër tjetër lufte me Rusinë. Ukrainasit po përgatiten për një stinë tjetër me temperatura të ulëta dhe sulme të mundshme të Rusisë ndaj infrastrukturës energjetike të vendit.

Zjarrfikësit u angazhuan në shuarjen e një zjarri në Kharkiv, që sipas autoriteteve ukrainase, u shkaktua nga një sulm i Rusisë me dronë. Nuk ka patur njoftime për viktima. Ukraina thotë se ky sulm ishte pjesë e një fushate masive të sulmeve ruse me dronë, që filloi të premten dhe ka në shënjestër infrastrukturën energjetike në jug dhe perëndim të vendit.

Fushata e sulmeve të Rusisë me dronë pasoi një video të publikuar të enjten nga Ukraina, që pretendon se tregon përdorimin e dronëve nga forcat ukrainase kundër automjeteve ushtarake ruse. Zëri i Amerikës nuk mund ta konfirmojë në mënyrë të pavarur vendin ku është filmuar ose datën e videos. Ukraina thotë se sulmet me dronë u kryen afër qytetit Avdiivka në rajonin e Donetskut.

Popullsia e këtij qyteti ka rënë në 1500 nga 30 mijë banorë që kishte para luftës. Ndërsa forcat ruse po rrethojnë qytetin Avdiivka, policia ukrainase e rajonit publikoi një video të oficerëve të saj duke evakuuar civilët e fundit nga qytetet përreth. Video tregon një bisedë të një gruaje të moshuar me djalin, i cili i lutet asaj që të evakuohet për shkak të mungesës së “ujit dhe bukës”. Ajo i kërkon atij që “ta lërë rehat”.

Udhëheqësit e Ukrainës vazhdojnë të këmbëngulin për më shumë ndihma ndërkombëtare dhe armë të avancuara. Ukraina gjithashtu vazhdon të kërkojë anëtarësimin në BE dhe NATO.

Këto thirrje u përsëritën gjatë vizitës në Kiev të Presidentes së Komisionit Evropian, Ursula von der Leyen, e cila mbajti një konferencë shtypi pasi takimit me Presidentin ukrainas Volodymyr Zelenski.

Zonja Von der Leyen tha se Komisioni Evropian do t’i propozojë BE-së miratimin e një ndihme të re financiare prej 53 miliardë dollarësh për Ukrainën.

Javën e kaluar në Berlin, ministrat e jashtëm të vendeve të Bashkimit Evropian zhvilluan një takim për zgjerimin e bllokut. Ministrja e Jashtme e Gjermanisë, Annalena Baerbock shprehu besimin se Ukraina do të anëtarësohej në BE, pas një votimi për këtë çështje në muajin dhjetor. “Ne duam ta shohim Ukrainën të bëhet anëtare e Bashkimit Evropian”, shtoi ajo.

Ndërkohë, forcat ukrainase në rajonin e Donetskut kanë njoftuar për një rritje të sulmeve ruse me artileri në muajin e fundit, që shërbimi koreanojugor i zbulimit thotë se është rezultat i furnizimit të ushtrisë ruse me municione nga Koreja e Veriut. Zyrtarët e Koresë së Jugut pretendojnë se Pheniani i ka dhënë Moskës më shumë se një milion predha, duke e rënduar gjendjen si për ushtarët ashtu edhe për civilët në Ukrainë.

“Natyrisht, shumë njerëz në botë janë të lodhur. Kjo është e kuptueshme. Dikush lodhet në betejë, dikush tjetër në vendin e tyre të punës dhe ka të tjerë jashtë vendit që janë të lodhur me këtë situatë. Ata duan që bashkëshortët, ushtarët e tyre të kthehen në shtëpi. Gratë dhe fëmijët janë të lodhur. Disa udhëheqës evropianë janë të lodhur nga mbështetja për Ukrainën. Natyrisht, njerëzit janë të lodhur sepse kjo është një luftë e gjatë”, tha Presidenti ukrainas Volodymyr Zelenski.

Për ushtarët si ata që shërbejnë në brigadën e 67-të, të cilët njoftojnë se janë angazhuar në një betejë 20 orëshe, duke luftuar pothuaj pa pushim, lufta është vërtetë e gjatë dhe ata duan që sa më parë të vijnë përforcimet diplomatike, përfshirë edhe mundësinë e votimit për anëtarësimin e vendit në Bashkimin Evropian në mes të dhjetorit./VOA

Presidenti i Rusisë, Vladimir Putin, ka vendosur të garojë në zgjedhjet presidenciale të marsit, një vendim i cili do ta mbajë atë në pushtet së paku deri më 2030, pasi ai ndien se i duhet ta udhëheqë Rusinë në periudhën më të rrezikshme në dekadat e fundit, thanë gjashtë burime për agjencinë e lajmeve Reuters.

Putin, i cilit ia dorëzoi presidencën Boris Yeltsin në ditët e fundit të vitit 1999, ka shërbyer si president më gjatë se çdo udhëheqës tjetër rus prej Josef Stalinit, madje duke e mposhtur edhe sundimin 18-vjeçar të Leonid Brezhnevin.

Putini i mbushi 71 vjet më 7 tetor.

Burimet, që folën në kushte anonime për shkak të ndjeshmërisë së politikave të Kremlinit, thanë se këshilltarët po përgatiten për fushatën zgjedhore të Putinit.

“Vendimi është marrë – ai do të garojë”, tha një prej burimeve, i cili e ka parë planin.

Për Putinin, i cili gëzon një mbështetje prej rreth 80 për qind brenda Rusisë sipas sondazheve, zgjedhjet janë formalitet nëse ai merr pjesë: me mbështetjen e shtetit, mediave shtetërore dhe pothuajse pa disidencë publike, ai e ka të sigurt fitoren.

Një burim tjetër konfirmoi se vendimi është marrë dhe se këshilltarët e Putinit po përgatiten për pjesëmarrjen e tij në zgjedhje. Të njëjtin konfirmim e dhanë edhe tri burime të tjera: Putini do të garojë.

Derisa shumë diplomatë, spiunë dhe zyrtarë të huaj thonë se presin që Putini të qëndrojë në pushtet përjetë, deri më tani nuk ka pasur konfirmim specifik se ai do të garojë në zgjedhjet presidenciale të marsit 2024.

Rusia në luftë

Derisa Putini mund të mos përballet me garë në zgjedhje, ish-spiuni i Shërbimit Sekret Rus (KGB) përballet me sfidat më të mëdha që është përballur ndonjë lider i Kremlinit prej kur Mikhail Gorbachev u ballafaqua me rënien e Bashkimit Sovjetik para më shumë se tri dekadave.

Lufta në Ukrainë e ka nxitur konfrontimin më të madh me Perëndimin prej se ndodhi Kriza e Raketave Kubane më 1992; sanksionet e Perëndimit e kanë shkaktuar tronditjen më të madhe të brendshme ndaj ekonomisë ruse në dekadat e fundit; dhe Putini është përballur me një kryengritje të dështuar nga mercenari më i fuqishëm i Rusisë, Yevgeny Prigozhin, në qershor.

Prigozhini u vra si pasojë e rrëzimit të avionit dy muaj pas kryengritjes.

Perëndimi e paraqet Putinin si një kriminel lufte dhe diktator i cili e shndërroi Rusinë në vend imperialist dhe uzurpues të tokave, duke e dobësuar Rusinë dhe duke e forcuar shtetësisë e Ukrainës dhe në të njëjtën kohë, duke e bashkuar Perëndimin dhe duke i dhënë mision NATO-s.

Putini, megjithatë, e paraqet luftën si pjesë të një lufte më të gjerë me Shtetet e Bashkuara, për të cilat Kremlini thotë se synojnë ta ndajnë në dysh Rusinë./REL

Rusia ka humbur tashmë rreth 305,970 trupa në Ukrainë – nga të cilat 880 vetëm gjatë ditës së kaluar.

Deklarata përkatëse është bërë nga Shtabi i Përgjithshëm i Forcave të Armatosura të Ukrainës, raporton Ukrinform.

Siç thuhet më tej, midis 24 shkurtit 2022 dhe 6 nëntorit 2023, humbjet totale luftarake të Rusisë përfshinin gjithashtu 5,288 tanke (+4 gjatë ditës së kaluar), 9,958 automjete luftarake të blinduara (+5), si dhe 7,389 sisteme artilerie (+14).

Veç këtyre, thuhet se janë shkatërruar 324 helikopterë, 20 anije/anije luftarake, 1 nëndetëse, 5,554 mjete ajrore pa pilot (+20), 1,047 njësi pajisje speciale.

Konflikti në Lindjen e Mesme vazhdon, por tensionet ziejnë edhe në cepa të tjerë të botës. Kambanat e alarmit po bien në Evropë dhe jo pa arsye. Nëse Ukraina humbet, Lituania është e radhës. Vendi i vendosur mes satelitit rus të Bjellorusisë dhe enklavës ruse të Kaliningradit, raportojnë mediat, po përgatitet për përshkallëzimin e luftës në Ukrainë dhe përpjekjen e Vladimir Putin për të kaluar kufirin e tyre.

Një numër i madh lituanezësh po kthehen tani nga Irlanda, ku kanë punuar deri më tani, po i bashkohen ushtrisë, janë në detyrë përgjatë Isthmusit Suwa?ki, të cilin disa e kanë quajtur tashmë "vendi më i rrezikshëm në botë" dhe dhjetëra vullnetarë lituanez kanë shkuar tashmë në fushat e betejës në Ukrainë.

Sakaq, jo pak shqetësuese janë deklaratat e Dmitry Medvedev, nënkryetarit të Këshillit të Sigurimit rus, i cili paralajmëroi të enjten se veprimet e fundit të Polonisë mund të çojnë në një konflikt të drejtpërdrejtë midis vendit dhe Rusisë dhe Bjellorusisë, që mund të rezultojë në fillimin e Luftës së Tretë Botëror.

Deklaratat nxitëse nuk janë të pazakonta për Medvedevin, i cili është shfaqur si një nga kritikët më të zëshëm të Kremlinit ndaj aleatëve të Ukrainës. Ai ka deklaruar vazhdimisht publikisht se Rusia mund të sulmojë anëtarët e NATO-s për ndihmën e Ukrainës.

Në dhjetor 2022, ai shkoi aq larg sa i quajti aleatët perëndimorë të Ukrainës "objektiva legjitime ushtarake". Që në shtator, ai tha se Rusia është e gatshme të përfshihet në konflikt të drejtpërdrejtë me vendet anëtare të NATO-s.

Lituania në rrezik

Lituania u pushtua nga Bashkimi Sovjetik në vitin 1940, ata fituan pavarësinë e tyre me gjak në 1991 dhe kur u bashkuan me BE në 2004, qindra mijëra prej tyre u larguan nga shteti ish-sovjetik pa para për të kursyer, duke kërkuar punë në Evropë sidomos Irlanda.

Tani janë më shumë se 30 mijë prej tyre. Ndërkohë, Lituania bëri përparim ekonomik. Edhe pse në periferi evropiane, të ardhurat e tyre u hodhën në 89 për qind të mesatares së BE-së.

Sipas të dhënave të fundit, paga mesatare atje tani është 1600 euro, gati 500 euro më shumë se në Kroaci. Mediat raportojnë se një numër i madh emigrantësh nga Lituania, veçanërisht nga Mbretëria e Bashkuar, tani po kthehen në atdhe.

Sipas sondazhit, 55.1 për qind e tyre duan të kthehen në Lituani në gjashtë muajt e ardhshëm dhe shumica veçon rrezikun e luftës së afërt si arsye kryesore. Rusia ka qenë gjithmonë një "kërcënim për mbijetesën" e Lituanisë siç përshkruhet nga ish-presidentja e Lituanisë, Dalia Grybauskait?.

Thembra e Akilit

Një vend me një sipërfaqe vetëm pak më të madhe se Kroacia, me 2.7 milionë banorë, nuk është një sfidë e madhe për trupat e Vladimir Putinit. Në të njëjtën kohë, vendndodhja e tyre gjeografike është veçanërisht problematike

Në këndin jugperëndimor, në qytetin e vogël të Vištytis me 400 njerëz, ata po shohin matanë rrugës armikun. Ekziston Isthmus Suwaki, rruga më e shkurtër tokësore midis aleatit të Rusisë, Bjellorusisë dhe territorit rus në Kaliningrad.

Kjo është arsyeja pse ata e quajtën atë zonë "vendi më i rrezikshëm në botë" dhe "thembra e Akilit të NATO-s", ku Rusia mund të përpiqet të shkëputë Lituaninë, Letoninë dhe Estoninë nga pjesa tjetër e NATO-s.

Roli i SHBA

"Ne kemi ende makthe nga sulmet ruse, jo vetëm tanke në Ukrainë dhe Gjeorgji, por edhe këtu në kryeqytet," tha ministri i Jashtëm lituanez Gabrielius Landsbergis në një intervistë të fundit, duke shtuar se një pushtim i ri rus është shumë i mundshëm.

Për shkak të kërcënimit të vazhdueshëm të një pushtimi të ri rus, shërbimi ushtarak u rivendos në Lituani në vitin 2015, pas aneksimit rus të Krimesë. Tani ata kanë 23 mijë ushtarë profesionistë dhe 104 mijë rezervistë, por ende varen nga aleati i tyre kryesor, SHBA. Lituania ka qenë anëtare e NATO-s që nga viti 2004, por gjithnjë e më shumë politikanë lituanez thonë se ndjejnë se mbështetja e SHBA për Ukrainën po shkrihet.

Në veçanti, lufta midis Izraelit dhe Palestinës ka pushtuar tashmë vëmendjen e politikës së jashtme amerikane, dhe duket se Ukraina nuk është më prioriteti i tyre për ndihmën financiare, por Izraeli është.

Nëndetësja e re ruse me energji bërthamore Tsar Alexander III kreu një testim të suksesshëm të raketës balistike Bulava, i projektuar për të mbajtur koka bërthamore, tha dje Ministria ruse e Mbrojtjes.

“Gjuajtja e një rakete balistike është elementi i fundit i provës, pas së cilës do të merret një vendim për pranimin e kryqëzorit në Marinën”, tha ministria e mbrojtjes në aplikacionin e mesazheve Telegram.

Raketa balistike ndërkontinentale, e hedhur nga një pozicion nënujor në Detin e Bardhë, pranë bregut verior të Rusisë, goditi një objektiv mijëra kilometra larg në gadishullin Kamçatka në Lindjen e Largët të Rusisë, tha ai. Kryqëzori strategjik i raketave të klasit Borej është i pajisur me 16 raketa Bulava dhe armë moderne silurues.

Marina ka në shërbim tre nëndetëse të klasit Borei me energji bërthamore - njëra është afër fundit të testimit dhe tre të tjera janë në ndërtim, njoftoi Ministria e Mbrojtjes. Raketa Bulava 12 metra e gjatë, e cila ka një rreze të vlerësuar prej rreth 8,000 km dhe mund të mbajë deri në gjashtë koka bërthamore, është bërë guri i themelit të krahut detar të treshes bërthamore të Rusisë. Ky është një kërcënim i qartë bërthamor, i cili mban nënshkrimin e Vladimir Putin.

Jo rastësisht pak më vonë, disa fraza të pazakonta erdhën nga Kremlini, ndonëse jo drejtpërdrejt, referuar Shteteve të Bashkuara. Folësi ishte Dmitri Peskov, zëdhënës i Kremlinit, i cili tha se "marrëdhëniet midis Rusisë dhe SHBA janë në zero, por me kalimin e kohës dialogu do të duhet të rifillojë".

Dhe përsëri, në një intervistë me gazetarin e kanalit televiziv Rossiya-1, Pavel Zarubin, zëdhënësi i Putinit përsëriti: "Marrëdhëniet janë në zero ose, do të thosha, edhe nën zero”.

Udhëheqësi i Republikës Çeçene, Ramzan Kadyrov, ka emëruar djalin e tij 15-vjeçar në një “pozitë të spikatur” në shërbimin e sigurisë, raporton Instituti për Studimin e Luftës (ISW).

Megjithatë, instituti me bazë në SHBA tha të hënën se kishte “konfuzion” në lidhje me pozicionin e saktë të Adam Kadyrov, mes raporteve më të gjera se atij i është dhënë një rol i lartë në truprojën e babait të tij.

Kryetari i Dumës çeçene Magomed Daudov, shefi i shtypit i Republikës çeçene Akhmed Dudaev dhe zëvendësi i Dumës së Shtetit Rus, Adam Delimkhanov thanë se ai mban një “pozitë të rëndësishme” të paspecifikuar në shërbimin e sigurisë, vuri në dukje ISW në konferencën e saj të përditshme të inteligjencës.

Ndërkohë, zyrtarë të tjerë çeçenë pretenduan se Adami ishte emëruar në krye të shërbimit të sigurisë.

Ramzani nuk ka komentuar ende emërimin e djalit të tij.

Aleatët e liderit famëkeq çeçen lavdëruan Adamin, i cili mbush 16 vjeç këtë muaj, për “guximin” e tij dhe e uruan atë për emërimin e tij.

Në shtator, Kadyrovi i ri u akuzua gjerësisht – gjithashtu nga disa ekstremistë pro-Kremlinit – pasi babai i tij postoi një video në rrjetet sociale në të cilën Adami shihet duke grushtuar dhe shkelmuar një të burgosur të akuzuar për djegien e Kuranit.

Adam Kadyrov do të mbushë 16 vjeç më 24 nëntor 2023. 

Dimri i dytë i konfliktit është pothuajse afër dhe forcat e Ukrainës po marshojnë në një luftë më të ashpër.

Por përballë temperaturave të ngrira, Kievi dhe pilotët e tij ekspertë të dronëve ende shpresojnë të sjellin në shtëpi shumë për të festuar, thotë një gjeneral i lartë për Arpan Rai, shkruan The Independent, përcjell “Bota sot”.

Ukraina planifikon një fushatë masive me dron dimëror për të ‘shkatërruar’ rusët e bllokuar

Ekskluzive: Dimri i dytë i konfliktit është pothuajse afër dhe forcat e Ukrainës po marshojnë në një luftë më të ashpër. Por përballë temperaturave të ngrira, Kievi dhe pilotët e tij ekspertë të dronëve ende shpresojnë të sjellin në shtëpi shumë për të festuar, thotë një gjeneral i lartë për Arpan Rai.

Kryetari i Dhomës së Përfaqësuesve, Mike Johnson, tha se republikanët do të mbështesin ndihmën për Ukrainën vetëm nëse ajo merr masa për të siguruar më tej kufirin SHBA-Meksikë.

Kryetari i sapozgjedhur foli në konferencën e tij të parë për shtyp në rolin e tij të ri dhe tha se një paketë për të mbështetur Ukrainën do të vinte "në një moment të shkurtër" pasi Dhoma e Përfaqësuesve miratoi për herë të parë një paketë ndihme për të ndihmuar Izraelin, shkruan The Independent, përcjell “Bota sot”.

“Më keni dëgjuar të them se ne duam të bashkojmë sigurinë kufitare me Ukrainën, sepse mendoj se do të arrijmë marrëveshje dypartiake për ato çështje,” u tha ai gazetarëve.

“Ne kemi detyrime dhe kemi gjëra që mund dhe duhet t'i bëjmë në mbarë botën, por duhet të kujdesemi për shtëpinë tonë së pari. Dhe për sa kohë që kufiri është i hapur, ne po e hapim veten për një kërcënim të madh.”

Ministria e Mbrojtjes tha se automjetet ishin shkatërruar gjatë tre javëve të fundit në qytetin e Avdiivka.

Kjo ka të ngjarë për shkak të një kombinimi të efektivitetit relativ të armëve moderne kundër armatimit të dorës, minave, municioneve ajrore pa ekuipazh të hedhura nga automjetet ajrore dhe sistemeve të artilerisë precize të Ukrainës.

Diku tjetër, presidenti i Ukrainës, Volodymyr Zelenksy, ka thënë se lufta midis Izraelit dhe Hamasit po "ia heq fokusin" konfliktit në Ukrainë, shkruan The Independent, përcjell “Bota sot”.

Zelensky tha se Rusia donte që fokusi te lufta të "dobësohej", por këmbënguli se fitorja ishte ende në fuqinë e Ukrainës në mes të kundërofensive të saj në jug, duke këmbëngulur se lufta nuk kishte arritur në një ngërç.

“Të gjithë po lodhen dhe ka mendime të ndryshme”, tha Zelensky në një konferencë për shtyp pas bisedimeve me presidenten e Komisionit të BE-së, Ursula von der Leyen. "Por ky nuk është një ngërç."

Ushtria ukrainase ka konfirmuar se ushtarët nga Brigada e saj 128 Sulmuese Malore u vranë në një sulm me raketa ruse gjatë asaj që media e përshkroi si një ceremoni dhënie medaljeje.

 Një ushtar ukrainas tha në mediat sociale se 22 persona u vranë dhe kritikoi komandantët për organizimin e ngjarjes në rajonin jugor të Zaporizhzhia të Ukrainës.

 Mediat lokale raportuan 20 vdekje – shifra që nuk mund të verifikoheshin në mënyrë të pavarur.

Detaje tjera priten të japen.