Gjermania dhe partnerët e BE-së po shqyrtojnë nëse mund të ndërtojnë një mision të ri detar për të mbrojtur anijet tregtare nën kërcënimin e sulmit në Detin e Kuq, tha të enjten një zëdhënës i ministrisë së Jashtme.
“Ne si qeveri gjermane jemi gati për këtë. Është e rëndësishme që ne si BE të jemi në gjendje të veprojmë sa më shpejt që të jetë e mundur në funksion të sulmeve në vazhdim”, tha zëdhënësi, duke shtuar se një vendim për këtë çështje ende nuk është marrë, raporton Guardian.
Të mërkurën, kryeministri spanjoll, Pedro Sánchez, tha se ishte kundër zgjerimit të misionit të BE-së kundër piraterisë Atalanta në Oqeanin Indian për të përfshirë trafikun detar përmes Detit të Kuq dhe Kanalit të Suezit, por që Spanja ishte e gatshme të merrte në konsideratë krijimi i një misioni të ndryshëm për të trajtuar problemin.
Rebelët Houthi të Jemenit kanë shënjestruar anijet që përdorin rrugën e Detit të Kuq dhe të kanalit të Suezit, me qëllim që, thonë ata, të synojnë anijet me lidhje me Izraelin.
