Rasti i një burri kanadez të akuzuar për furnizimin me një kimikat helmues për njerëzit që vdiqën nga vetëvrasja do të shkojë drejtpërdrejt në gjyq, kështu ka vendosur një gjykatë në Ontario.
Prokurorët kanë përmirësuar gjithashtu akuzat kundër Kenneth Laë nga vrasja e shkallës së dytë në atë të shkallës së parë.
Sipas BBC, Law mund të ketë dërguar më shumë se 1200 pako që përmbajnë substanca vdekjeprurëse në rreth 40 vende, përfshirë Britaninë e Madhe. Ai bëri paraqitjen e tij të fundit në gjykatë të enjten.
Law, një ish-kuzhinier 57-vjeçar nga Toronto, përballet me gjithsej 14 akuza për vrasje të shkallës së parë, si dhe 14 akuza për ndihmë dhe këshillim për vetëvrasje, për gjithsej 28 akuza.
Avokati i tij, Matthew Gourlay, ka thënë se zoti Law synon të deklarohet i pafajshëm.
Të gjitha akuzat janë të lidhura me vdekjen e njerëzve nga e gjithë Ontario të moshës 16 deri në 36 vjeç. Policia ka thënë se më shumë se një viktimë është nën moshën 18 vjeç.
Në një paraqitje të mëparshme në gjykatë këtë javë, prokurorët i konfirmuan z. Law se çështja e tij do të vazhdojë me aktakuzë të drejtpërdrejtë, duke anashkaluar një hetim paraprak që zakonisht vlerëson nëse provat kundër një të pandehuri janë mjaft të forta për t’u nisur në gjyq.
