NATO shprehu ngushëllimet e saj për vdekjen e presidentit iranian Ebrahim Raisi dhe atyre që humbën jetën në rrëzimin fatal të helikopterit.
“Ngushëllimet tona popullit të Iranit për vdekjen e Presidentit Raisi, Ministrit të Jashtëm Amirabdollahian dhe të tjerëve që humbën jetën në rrëzimin e helikopterit”, tha përfaqësuesja e NATO-s, Farah Dakhlalah, me postimin e saj në platformën “X”.
Raisi, një lider i vijës së ashpër që shihet si pasardhës i mundshëm i liderit suprem Ayatollah Ali Khamenei, humbi jetën pas rrëzimit të helikopterit pranë kufirit me Azerbajxhanin.
Our condolences to the people of #Iran for the death of President Raisi, Foreign Minister Amir-Abdollahian, and others who perished in the helicopter crash.
— NATO Spokesperson Farah Dakhlallah (@NATOpress) May 20, 2024
Udhëheqësi suprem Khamenei, i cili ka pushtetin absolut dhe ka fjalën e fundit për politikën e jashtme dhe programin bërthamor të Iranit, tha se zëvendëspresidenti Mohammad Mohbar do të merrte postin e presidentit të përkohshëm.
“Shpall pesë ditë zie publike dhe shpreh ngushëllimet e mia për popullin e dashur të Iranit”, tha Khamenei në një deklaratë.
