Presidenti i Këshillit Evropian, Donald Tusk, përgëzoi Donald Trump për fitoren e tij në presidencën e SHBA-së dhe ripërsëriti ftesën e tij në një mbledhje BE-SHBA, sipas një burimi evropian.
“Sot bisedova në telefon me Donald Trump dhe Poroshenkon”, kishte shkruar në profilin e tij “Twitter” Tusk, i cili ka kërkuar të ketë takime në të ardhmen me presidentin e sapozgjedhur amerikan dhe presidentin ukrainas Petro Poroshenko.
Sipas një burimi evropian, Donald Tusk ka përgëzuar Trump-in para se ta ftojë në një mbledhje mes Bashkimit Evropian dhe Shteteve të Bashkuara të Amerikës.
Tusk vuri theksin gjithashtu mbi një bashkëpunim transatlantik ku përfshihet edhe çështja ukrainase.
