Presidenti amerikan Donald Trump të hënën ka telefonuar presidentin turk Rexhep Taip Erdogan për ta uruar për fitoren në referendum, duke shtuar rëndësinë e bashkëpunimin dhe miqësisë turko-amerikane, shkruan “Daily Sabah”.
Telefonata ka zgjatur 45 minuta, theksojnë burimet diplomatike. “Presidenti Trump e ka uruar Erdoganin për udhëheqësi të fuqishme,” përcjell botasot.info.
Pjesë e diskutimeve ka qenë edhe bashkëpunimi për luftën kundër ISIS dhe të ardhmen siriane. “Trumpi ka falenderuar Erdoganin për mbështetjen e sulmit amerikan mbi Assadin.” Trump do jetë në bashkëpunim me Turqinë në lidhje me Sirinë, Irakun dhe PKK. Të dielën Turqia votoi në referendum për t’u kthyer në shtet presidencial. Erdogani i mbështetur nga partia AKP dhe pjesërisht nga nacionalistët e MHP, fitoi 51.41 përqind të votave./Bota sot/
