Trump gati ta shpallë luftën, tani është koha për të vepruar me Korenë e Veriut

Bota

Trump gati ta shpallë luftën, tani është koha për të vepruar me Korenë e Veriut

Nga: G.B Më: 26 prill 2017 Në ora: 09:59
Donald Trump dhe Kim Jong-un

Donald Trump ka mbajtur dje takim me gjithë senatin amerikan lidhur me Korenë e Veriutr, duke shkaktuar frikë se mund të jetë gati të shpallë zyrtarisht luftën.

Një konferencë e rrallë ka mbledhur 100 senatorët të cilët u kryesuan nga Sekretari i Shtetit Rex Tillerson dhe Sekretari i Mbrojtjes Jim "Mad Dog" Mattis.

SHBA dhe Koreja e Veriut duket se janë në prag të luftës bërthamore pasi të dyja vendet kërcënojnë të lëshojnë raketa mbi njëra-tjetrën, shkruan Dailystar, përcjell Bota sot.

Kim Jong-un është zotuar se do të reduktojë kontinentin amerikan në ‘hi’ dhe nuk do të lërë trupa të gjallë nëse ka edhe shenjën më të vogël të provokimit.

Dhe SHBA ka paralajmëruar se është e gatshme të nisë veprim ushtarak nëse ata provokohen nga Koreja.

Presidenti amerikan ka zhvilluar bisedime me presidentin japonez Shinzo Abe dhe presidentin kinez Xi gjatë ditëve të fundit, pasi situata në gadishullin korean ka arritur në kulmin e etheve.

Ai ka kërkuar gjithashtu që Këshilli i Sigurimit të OKB-së të forcojë sanksionet mbi Mbretërinë e Hermit në përpjekje për të dëmtuar ekonominë e tyre.

"Ky është një kërcënim real për botën, nëse duam të flasim për këtë apo jo”, tha Trump.

"Koreja e Veriut është një problem i madh botëror dhe është një problem që ne duhet ta zgjidhim më në fund. Tani është koha për të zgjidhur problemin".

"Flota e luftës" Carl Vinson pritet të arrijë sot në gadishullin korean, ndërsa Koreja shtyn nisjen e ardhshme të nuklearit bërthamor.

Image
"Flota e luftës" Carl Vinson

Senatori republikan Lindsey Graham i cili i tha presidentit amerikan që të ndërmarrë një sulm ndaj Koresë sa më shpejt që të jetë e mundur, tha se Trump duhet t’i informojë ata se SHBA-ja është në ‘pikën thyese’.

"Deri në vitin 2020, nëse asgjë nuk ndryshon brenda Koresë së Veriut, ata do të kenë teknologjinë, do të kenë një përparim, për të zhvilluar një ICBM që mund të arrijë Amerikën”, tha ai.

"Unë shpresoj se ky president do të thotë se kjo është një jo-iniciativë"./BS/

Sot mund të lexoni Shfletoni kopertinat