Donald Trump ka paralajmëruar për një " konflikt të madh, shumë të madh" mes SHBA-së dhe Koresë së Veriut, duke thënë se një përballje katastrofike me shtetin e izoluar ishte "absolutisht" e mundur.
Në një intervistë në prag të ditës së 100 në detyrë, Presidenti amerikan tha se ishte i angazhuar për zgjidhjen e krizave diplomatike në mënyrë paqësore, poo shtoi se ka shumë mundësi që vendi i tij nisë një konflikt edhe më të madh me shtetin diktatorial të Kim Jong-un.
"Ka mundësi që ne të mund të përfundojmë në një konflikt të madh, shumë të madh me Korenë e Veriut. Absolutisht që ka mundësi ", u shpreh presidenti amerikan, në një intervistë me agjencinë e lajmeve “Reuters”.
Trump tha se veprimet e Phenianit(kryeqytetit koreanoverior) ishin shqetësimi i tij më i madh, shkruan “The Independent”.
Gjithashtu presidenti amerikan shprehu vleresime të mëdha ndaj Presidentit kinez, Xi Jinping, për ndihmën e vendit të tij në përpjekjet për të frenuar Korenë e Veriut.
