Presidenti amerikan Donald Trump ka parandaluar Arabinë Saudite dhe Emiratet e Bashkuara Arabe për të ndërhyrë ushtarakisht në shtetin fqinj: Katarin. Raporti është bërë publik të mërkurën, shkruan media turke “Daily Sabah”. Nga 5 qershori Katari është bojkotuar nga Arabia Saudite, EBA, Bahrejni dhe Egjipti me pretendimin se mbështet grupe “terroriste”.
Sipas raportit, Arabia Saudite dhe EBA planifikonin me ndërhyrje ushtarake ndryshimin e pushtetit në Katar. Por kjo është parandaluar me thirrjen e presidentit Trump ndaj dy liderëve arabë në Abu Dhabi dhe Rijad, përcjell botasot.info.
Nuk dihet saktë data e urdhër ndalimit nga presidenti Trump, i cili sot është takuar në OKB me presidentin e Katarit Tamim bin Hamad al-Thani./Bota sot/