Kryeministrja e Britanisë së Madhe, Theresa May ka shtuar zërin e saj për mospajtimin lidhur me vendimin e fundit për Jerusalemin nga Presidenti i SHBA-ve, Donald Trump.
“Ne nuk pajtohemi me vendimin e SHBA për të lëvizur ambasadën e saj në Jerusalem dhe për të njohur Jerusalemin si kryeqytetin izraelit përpara një marrëveshjeje për statusin përfundimtar”, tha një zëdhënës i saj duke cituar zonjën May.
“Ne besojmë se është e padobishme në lidhje me perspektivat për paqe në rajon”, citohet të ketë përfunduar May reagimin e saj ndaj vendimit të Presidentit Donald Trump.
