OKB: Irani ka furnizuar me armë rebelët në Jemen - Bota Sot
OKB: Irani ka furnizuar me armë rebelët në Jemen

Bota

E mërkurë, 17 tetor 2018

OKB: Irani ka furnizuar me armë rebelët në Jemen

Më: 13 janar 2018 Në ora: 10:09
Pamje gjatë testimit të raketës Qiam në Iran, foto nga arkivi

Një panel i Kombeve të Bashkuara, ka treguar përmes një raporti, se Irani ka shkelur një ndalim që i është bërë nga OKB-ja lidhur me armët, duke furnizuar në mënyrë direkte apo indirekte me raketa dhe dronë rebelët shiit në Jemen.

Bazuar në disa pjesë të raportit të siguruara nga diplomatët dhe mediat, thuhet se ky panel ka udhëtuar në Arabinë Saudite gjatë muajve nëntor dhe dhjetor, ku janë analizuar mbetjet e raketave të nisura nga rebelët huthi.

Të njëjtat vizita janë bërë edhe në maj dhe korrik.

Sipas tyre, Irani ka prodhuar armët, të cilat i kanë përdorur rebelët huthi për t’i nisur drejt Arabisë Saudite.

Arabia Saudite udhëheq koalicionin, i cili mbështet qeverinë dhe lufton rebelët huthi në luftën civile të Jemenit.

Për më shumë, paneli ka thënë se mbetjet e raketave kanë qenë “pothuajse të njëjtat që prodhohen në Iran dhe nga i njëjëti prodhues”.

Dronët kanë qenë “pothuajse të njëjtë në dizajn” me ata që prodhohen në Iran, thuhet në raport.

Irani mbështet rebelët huthi në luftën tri vjeçare, mirëpo kundërshton se i furnizon ata me armë.

Shtetet e Bashkuara e kanë akuzuar vazhdimisht Iranin për furnizim me raketa balistike për rebelët shiit, në kundërshtim me rezolutën e OKB-së, dhe i kanë kërkuar Këshillit të Sigurimit të kësaj organizate të krijojë një ndalim dhe të ndëshkojë Iranin.

Rusia ka kundërshtuar në marrjen e ndonjë hapi rreth kësaj çështje.

Sot mund të lexoni Shfletoni kopertinat
Sondazh
test