Pamjet shokuese tregojnë një anëtar të sektit të "Iron King" që kryen ritualin, i cili besohet të shmangë shpirtrat e këqij.
Një kult filipinas pretendon t'i ofrojë kompetencat e veta mbinjerëzore të anëtarëve nëpërmjet një rituali të çuditshëm që përfshin një maçetë.
Anëtarët pretendojnë se akti brutal nuk shkakton derdhjen e gjakut, i cili do të bekohet me mbrojtje mbinjerëzore.
Organizata, e njohur në nivel lokal si Haring Bakal, u bashkua për të luftuar një kryengritje myslimane në vitet 1970.
Ata treguan përralla të luftëtarëve të patrembur që drejtonin luftërat dorë me dorë me trupat e armatosura.
Tani, Haring Bakal ka gjetur një pikëmbështetje në kombin kryesisht katolik, pavarësisht se grupi është etiketuar si një kult.
Grupi ka përafërsisht 100 anëtarë në total, që përfshin policë dhe ushtarë, të cilët thuhet se janë bashkuar për sigurinë e tyre.
Anëtari Angelito 'Rambo' Oreta mohon të jenë kult, duke thënë se përveç shërimit të sëmundjes, “ai i është bashkuar grupit për t’u mbrojtur nga secili që dëshiron t’i bëjë keq”.
"Nuk ka të bëjë me ngacmimet dhe vështirësitë. Qëllimi i Iron King është t'i shërbejë shokëve tuaj, vendit dhe qeverisë. Ajo gjendet në Bibël, Ezekiel 21 - shpata e Zotit, që do të duhet të bekohet nga një maçetë, sepse kështu ju do të merrni forcë dhe mençuri”, tha ai.
"Në momentin kur jeni të bekuar me anë të hakimit, nuk jeni më një person i zakonshëm. Ju jeni një ushtar i Perëndisë në kohën kur ne përballemi me armikun. Ne nuk jemi kult, ne jemi një grup shpirtëror që shërben me lutje dhe besim tek Ati, i cili krijoi gjithçka në këtë botë", shton ai.
Producenti i filmave Nikon Celis, i cili mori pjesë në ritualin e maçetës, tha se thashethemet e grupit lokal e shtyn atë që të shikojë më afër se çfarë po ndodh në realitet. Ai e përshkroi bekimin si pjesë të barabarta të dhimbjes dhe shtangies.
Por, ai nuk ka ndonjë shpjegim përse “maçeta e fuqishme” nuk shkakton rrjedhjen e gjakut.
“Kam dëgjuar rreth këtij grupi, i cili pretendon se ofron mbrojtje nga plumbat dhe thikat”, tha Nikon (32).
“Njerëzit i akuzojnë ata se janë kult, për shkak të praktikës së tyre të çuditshme, e cila ndoshta mund të jetë tabu për disa besime”, shton ai.
Nikon thotë se ndjekësit e këtij grupi duhet të heqin dorë nga seksi, mishi i derrit ditën e martë dhe të premte, si dhe nga mishi i qenit dhe të betohen, në të kundërtën “do të humbin imunitetin e tyre ndaj thikave dhe plumbave”, transmeton KosovaPress.
"Bekuesi pretendon se vendos mburojën e padukshme rreth trupit të personit pas recitimit të lutjeve në gjuhën latine. Ai thotë se vetëm një bekues i Haring Bakal mund të bëjë atë që ai bën”, ka thënë Nikon.
Por, një ritual i tillë është jashtëzakonisht i frikshëm, pasi hakimi dhemb tej mase kur maçeta godet trupin e personit.
“Ajo bëhet me gjithë forcën. Nuk mund të besoj se kam lejuar veten të hakohem nëntë herë. Nuk ndihem si super-njeri, është njëra ndër gjërat më të frikshme që kam bërë”, thotë njëri nga ata që kanë provuar ritualin, transmetojnë mediat britanike.
