Mattis: Varet nga Assadi nëse do të vazhdojnë sulmet në Siri

Bota

Mattis: Varet nga Assadi nëse do të vazhdojnë sulmet në Siri

Më: 14 prill 2018 Në ora: 10:53
Jim Mattis

Sekretari amerikan i Mbrojtjes, Jim Mattis, tha se ky ishte një “sulm i vetëm” ndaj regjimit të Asadit, dhe se varet nga Asadi nëse sulmet do të vazhdojnë).

Në kuadër të sulmit të Shteteve të Bashkuara të Amerikës (SHBA), Britanisë së Madhe dhe Francës ndaj regjimit të presidentit sirian Bashar al-Asad është goditur qendra për kërkimin e armëve kimike në afërsi të Damaskut, depoja e armëve kimike dhe qendra e komandës në lidhje me armët kimike, të cilat ndodhen në perëndim të qytetit Homs, tranmeton AA.

Shefi i Pentagonit, Jim Mattis dhe shefi i Përgjithshëm i ushtrisë amerikane, Joseph Dunford, në një konferencë për shtyp deklaruan se sulmi është përgjigje ndaj sulmit me armë kimike, i cili ndodhi më 7 prill në Duma të Sirisë.

Mattis tha se Assadi po shkel ligjin ndërkombëtar, duke vrarë gra, fëmijë dhe njerëz të pafajshëm me armë kimike.

“Me aleatët arritëm në përfundimin se kjo është e papranueshme. Dëshitoj të theksoj se ky është një sulm ndaj regjimit të Asadit”, ka thënë Mattis, ndërsa i pyetur nëse sulmet do të vazhdojnë, ai tha se “kjo varet nga Asadi, varet nga ajo nëse në të ardhmen përsëri do të përdorë armë kimike, ky ishte vetëm një sulm”.

commentFirst article
Sot mund të lexoni Shfletoni kopertinat