Sekretari i Përgjithshëm i OKB-së, Antonio Guterres shprehu keqardhje, pasi ekspertët ndërkombëtarë nuk ishin ftuar në çmontimin e qendrës së testeve bërthamore, një veprim i njoftuar më herët nga Koreja e Veriut.
“Ai përshëndeti mbylljen e njoftuar të qendrës bërthamore në Punggye-ri nga Koreja e Veriut’, u bë e ditur nëpërmjet deklaratës së publikuar nga zëdhënësi i tij, Stéphane Dujarric.
Gjithsesi është për të ardhur keq që ekspertët ndërkombëtarë nuk u ftuan për të qenë dëshmitarë të mbylljes së qendrës.
Sekretari Përgjithshëm shpreson që kjo masë e ndërtimit të besimit do të kontribuojë në përpjekjet për paqe të qëndrueshme dhe një denuklearizim të verifikueshëm të gadishullit korean.
