Trump merr letër falënderimi nga Kim

Bota

Trump merr letër falënderimi nga Kim

Më: 12 korrik 2018 Në ora: 22:08
Kim Jong Un, Donald Trump

Lideri koreanoverior, Kim Jong Un u shpreh se ai vlerëson shumë përpjekjet energjike dhe të jashtëzakonshme të presidentin amerikan, Donald Trump, për të përmirësuar marrëdhëniet mes dy vendeve.

Trump publikoi sot në “Twitter” një kopje të letrës bashkë me përkthimin në anglisht që daton më 6 korrik, në kohën kur sekretari i Shtetit, Mike Pompeo po vizitonte Korenë e Veriut, shkruan ATSH.

Kim nuk u takua me Pompeon dhe raportimet nga udhëtimi treguan se nuk vajti mirë.

Vetë Koreja e Veriut akuzoi SHBA-në se po përpiqet të detyrojë vendin që të denuklearizohet në mënyrë të njëanshme dhe një zyrtar i cituar nga një media shtetërore deklaroi se “bisedimet ishin shumë zhgënjyese”.

Në këtë letër, Kim falënderon gjithashtu Trump për punën e tij “në implementimin me besnikëri të deklaratës së përbashkët”, duke iu referuar dokumentit të nënshkruar nga të dy liderët kur u takuan në Singapor në qershor.

“Besoj fuqishëm se vullneti i fuqishëm, përpjekjet e sinqerta dhe qasja unike e imja me Shkëlqesinë Tuaj, Zoti President që synon të hapë një të ardhme të re mes Koresë së Veriut dhe SHBA-së me siguri do të realizohet”, thuhet në këtë letër, duke shtuar se ka pasur një progres epokal në përmirësimin e lidhjeve.

Në komentin e tij për letrën, Trump thotë se është “një mesazh i këndshëm nga kryetari Kim i Koresë së Veriut. Progres i madh është bërë!”.

Sot mund të lexoni Shfletoni kopertinat