Presidenti Trump në Londër, ja çfarë marrëveshje i kërkoi kryeministrja May - Bota Sot
Presidenti Trump në Londër, ja çfarë marrëveshje i kërkoi kryeministrja May

Bota

E hënë, 19 nëntor 2018

Presidenti Trump në Londër, ja çfarë marrëveshje i kërkoi kryeministrja May

Më: 12 korrik 2018 Në ora: 23:20
Darka e “kollareve të zeza”, me 150 të ftuar, pritet që të fokusohet në marrëdhëniet tregtare pas Brexit.

(E plotësuar) - Kryeministrja britanike, Theresa May citoi sot liderin britanik të Luftës së Dytë Botërore, Winston Churchill, ndërkohë që priste presidentin amerikan, Donald Trump në Britani të Madhe, me një kërkesë për marrëveshje të tregtisë së lirë mes dy kombeve pas Brexit.

“Të kishim SHBA-në në krahun tonë ishte, për mua, kënaqësia më e madhe”, tha May duke cituar Churchil.

“Tani, për përfitimin e popujve tanë, le të punojmë së bashku për të ndërtuar një të ardhme më të mirë”, i tha ajo Trump-it.

Trump u largua sot në mbrëmje nga Londra me një helikopter në drejtim të Pallatit Blenheim, vendlindja e Churchillit pranë Oksfordit, për tu ta kuar me May.

***

Presidenti amerikan Donald Trump u prit në Pallatin Blenhajm nga kryeministrja britanike Theresa May, në ditën e tij të parë të vizitës në Mbretërinë e Bashkuar.

Darka e “kollareve të zeza”, me 150 të ftuar, pritet që të fokusohet në marrëdhëniet tregtare pas Brexit.

Trump shkeli tokën britanike në Londër me fjalët se ndihet “komod” me protestat që zhvillohen gjatë vizitës së tij, duke shtuar se britanikët “e pëlqejnë shumë atë”.

Duke folur më herët gjatë Samitit të NATO-s, Trump, i cili mbërriti në ishull vetëm pak para orës 15:00 të së enjtes, iu referua Britanisë si një “hot spot” tejet i nxehtë për momentin.

Sigurisht, mbërritja e tij në Londër është shoqëruar me masa shtesë sigurie, për më tepër që duhet të monitorohen dhe të sigurohet mbarëvajtja e disa protestave të planifikuara që do të shoqërojnë vizitën e tij.

Trump, i cili do të takohet edhe me Mbretëreshën Elisabeth II gjatë vizitës dyditore të punës, u shpreh: “Mendoj se më pëlqejnë shumë këtu në Britani, për më tepër mendoj se ata bien dakord me mua sa i përket emigracionit. Ju po e shihni se ç’po ndodh anembanë botës me emigracionin. Mendoj se kjo është arsyeja pse ndodhi edhe Brexit”.

Ai u shpreh se populli britanik “votoi për t’u shkëputur, kështu që kjo është edhe ajo që pres të ndodhë”, teksa theksoi me ton tjetër faktin se “Brexit është Brexit”.

Trump është vënë në qendër të kritikave kohët e fundit për shkak të politikës së tij për emigracionin, që rezultoi me ndarjen e fëmijëve nga familjarët e tjerë që hynin në mënyrë të paligjshme në SHBA.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh
test