Mbretëresha e Britanisë së Madhe, Elizabeth II ftoi Donald Trump dhe bashkëshorten e tij, Melania, për të pirë një çaj në Pallatin Windsor, një rezidencë 900 vjeçare në periferi të Londrës, duke e bërë atë presidentin e 12-të amerikan që pritet nga monarkja 92 vjeçare.
Trump kaloi rreth një orë sot në këtë kështjellë, pasi mbërriti i shoqëruar nga rojet e nderit dhe një bandë ushtarake që luajti himnin amerikan, ndërkohë që mbretëresha priste jashtë për t’i përshëndetur.
“Mendoj se ajo e ka përfaqësuar shumë mirë vendin e saj. Nëse e mendon, për gjithë këto vite ajo ka përfaqësuar vendin e saj dhe nuk ka bërë asnjëherë asnjë gabim”, deklaroi Trump për tabloidin britanik, “The Sun”.
