Ish-kancelari gjerman në "listën e armiqve" të Ukrainës

Bota

Ish-kancelari gjerman në "listën e armiqve" të Ukrainës

Më: 16 nëntor 2018 Në ora: 11:05
Ish-kancelari gjerman, Gerhard Schroeder.

Gjermania i bëri thirrje Ukrainës që të heqë nga interneti një listë të, siç thuhet, "armiqve të shtetit", pasi ish-kancelari gjerman, Gerhard Schroeder, është shfaqur në të.

Ministria e Jashtme e Gjermanisë tha se "e dënon fuqishëm" listën në ueb-faqen Mirotvorez, e cila drejtohet nga një i njohur i ministrit të Brendshëm të Ukrainës, Arsen Avakov.

Schroeder është listuar si "anti-ukrainas" për "mbrojtjen e aneksimit të gadishullit ukrainas të Krimesë nga Rusia", në vitin 2014.

Edhe pse aneksimi ka qenë i paligjshëm, Schroeder ka pyetur: "Ju vërtet besoni se ndonjë president rus do ta ndryshojë këtë? Ky është një realitet me të cilin do të duhet të pajtohemi një ditë".

Schroeder i ka bërë këto komente për gazetën gjermane Aachener Nachrichten

commentFirst article
Sot mund të lexoni Shfletoni kopertinat