Mesfushori Paul Pogba ka shënuar golin e fitores në suksesin e ngushtë (2-1) të skuadrës së tij ndaj Australisë, këtë të shtunë pasdite. Duke folur për mikrofonin e TF1, francezi i Manchester United nënvizoi:
“Mos harroni se ishte një ndeshje e Kupës së Botës. Këtu nuk ka ekipe të vogla. Australia ka bërë shumë mirë. Është një ekip i mirë. Do të jetë e tillë e gjithë Kupa e Botës. Ishte shumë e rëndësishme për të fituar ndeshjen e parë. Ishte e vështirë. Ne nuk u dorëzuam deri në fund. Në rastin e golit tim jam ndihmuar shumë nga mbrojtësi. Përderisa fituam, është mirë”.