Lionel Messi dhe Argjentina morën një tjetër goditje në një tjetër Kampionat Botëror.
Skuadra e udhëhequr nga superylli i Barcelonës pati paraqitje edhe më të dobët se sa ndaj Islandës duke regjistruar humbje të thellë prej 3-0 ndaj Kroacisë.
Pas kësaj disfate Argjentina duhet të shpresojë në rezultat pozitiv të Nigerisë dhe të mposhtë po këtë kombëtare në ndeshjen e fundit.
Kroacia ishte aq kompakte sa që nuk pati nevojë që të fokusohet te Messi, i cili u përplas në strukturën e çeliktë taktike të kroatëve.
Lionel Messi preku 47 herë topin në këtë takim, duke realizuar 23 pasime dhe 5 driblime.
Superylli i Barcelonës bëri vetëm 1 goditje në drejtim të portës së Kroacisë dhe në periudha të gjata u shfaq i parrezikshëm.
Për Messin kjo ishte një tjetër ndeshje pa shënuar në një Botëror, dhe kështu bëhen 675 minuta që kur Messi për herë të fundit ka shënuar në një Kampionat Botëror.
E paimagjinueshme që magjistari i Barcelonës të eliminohet nga Botërori qysh pas fazës grupore.
