Presidenti i Rusisë Vladimir Putin ka reaguar pasi kombëtarja u eleminua në çerekfinale të Kupës së Botës nga Kroacia, pas ekzekutimit të penalltive.
Organizatorët e turneut e mbyllën me nder aventurën e tyre në këtë Botëror, teksa kujtojmë që ishin ata që eliminuan Spanjën pretendente në fazën e 1/8-ave.
Putin pas eleminimit ka vlerësuar karakterin e fortë të futbollistëve të Kombëtares ruse, duke thënë se ata do të jepnin jetën në fushën e lojës.
“Ne kemi humbur një ndeshje të mrekullueshme. Ata janë përsëri të jashtëzakonshëm për ne, ata janë heronj. Lojtarët donin të vdisnin në fushë, ne jemi krenarë me ta”, ka thënë presidenti i Rusisë, Vladimir Putin.
Mësohet po ashtu se Putin ka ftuar trajnerin dhe lojtarët e kombëtares ruse në presidencë për të diskutuuar më shumë rreth ecurisë së skuadrës në Botëror.
Derimë tani Rusia ka dhënë një shembull të mirë dhe për organizimin e këtij eventi sportive, ku nuk janë shënuar incidente në asnjë nga ndeshjet, apo në rrugët e qyteteve.
Por pas ndeshjes me Kroacinë, mediat gjermane spekuluan se lojtarët rusë po thithnin një substancë të dyshimtë.
Bild shkruan se mund të jetë doping, kurse ekspertët thanë se ishte amoniak.
