Çiklisti spanjoll Alberto Contador ka zyrtarizuar kalimin e tij te skuadra e Trek-Segafredo, duke u divorcuar pas tri sezonesh me ekipin e Tikonff. 33-vjeçari spanjoll nuk arriti të triumfojë në “Tour de France” me skuadrën e Tinkoff, objektivi i tij kryesor në tri sezonet e fundit, ndaj dhe beson se këtë gjë do ta bëjë me skuadrën e re. “Jam i lumtur që firmosa me Trek-Segafredo dhe mezi pres të nis punën me ekipin e ri. Ky ekip ka një projekt që më bind, ndaj dhe vendosa të vij këtu. Objektivat e mija nuk ndryshojnë, të fitoj garat më të rëndësishme në botë, ku në krye të listës është Turi”, ka thënë Alberto Contador.